Kadrlardy daıarlaýdyń «Bolashaq» baǵdarlamasyna tıimdilikti arttyrýǵa baǵyttalǵan túzetýler engizilýde
Búgin Aqordada Shet elderde kadrlar daıarlaý jónindegi respýblıkalyq komıssııanyń kezekti otyrysynda QR Memlekettik hatshysy Marat Tájın osylaı aıtty.
«Ekonomıkanyń, jalpy memlekettiń jáne qoǵamnyń qajettiligin eskere otyryp, kadrlar daıarlaý úderisinde aıqyn baǵytty qamtamasyz etý qajet», - dep toqtaldy Memlekettik hatshy. Osy oraıda ol kadrlardy daıarlaýda tájirıbelik baǵytty kúsheıtý mańyzdy ekenin atap ótti.
Taratylǵan málimetterge qaraǵanda, komıssııa sheshimine seıkes, «Bolashaq» halyqaralyq stıpendııasyna 427 adam, onyń ishinde magıstratýra baǵdarlamasy boıynsha - 224, doktorantýra aıasynda - 8, taǵylymdamadan ótýge 195 jas úmitker ıe boldy.
Atap aıtqanda, stıpendııalardyń edáýir bóligi memlekettik organdardyń maqsatty ótinimderine sáıkes bólindi. ıAǵnı, bul mamandardy nysanaly baǵytta daıarlaý jumysy kúsheıtilgenin aıǵaqtaıdy.
Máselen, Indýstrııa jáne jańa tehnologııalar mınıstrliginiń maqsatty ótinimine sáıkes, Qazaqstannyń ındýstrııalandyrý kartasyna engen kásiporyndarda jumys jasaıtyn 66 ınjenerlik-tehnıkalyq qyzmetker Germanııanyń jetekshi ónerkásip ortalyqtary men zaýyttarynyń bazasynda taǵylymdamadan ótetin boldy. Al «Salamatty Qazaqstan» memlekettik baǵdarlamasyn iske asyrý aıasynda 20 medıtsına qyzmetkeri AQSh, Avstrııa, Frantsııa, Izraıl jáne Reseı elderiniń mamandandyrylǵan ortalyqtarynda taǵylymdamadan ótpek.
Tarıhshylar men arheologtardan quralǵan 5 maman Ulybrıtanııanyń Kembrıdj, Býkıngem jáne Brýnel ýnıversıtetterine jiberiledi.
Sport jáne dene shynyqtyrý isi jónindegi agenttiktiń maqsatty ótinimi boıynsha elimizdiń 12 bapkeri men sport menedjeri Ulybrıtanııada jáne Reseıdiń Sochıdegi halyqaralyq olımpıada ýnıversıtetiniń bazasynda taǵylymdamadan ótýge múmkindik aldy. Olardyń qatarynda Olımpıada chempıony Serik Sápıev Londondaǵy Brýnel ýnıversıtetinde sporttyq menedjment mamandyǵynda bilim alatyn bolady.