Kadr tapshylyǵy bar óńirlerge úzdik pedagogter tartyla bastady

<p>ASTANA. KAZINFORM &ndash; Kadr tapshylyǵy bar óńirlerge úzdik pedagogterdi tartýdyń arnaıy baǵdarlamasyna qatysýǵa qujat qabyldaýdyń birinshi kezeńi aıaqtaldy. Bul týraly QR Oqý-aǵartý mınıstrliginiń Orta bilim komıteti málimdedi.</p>

Baǵdarlama Túrkistan, Atyraý, Mańǵystaý jáne Almaty oblystarynda júzege asyrylýda. Atalǵan óńirlerge matematıka, fızıka, hımııa, orys tili men ádebıeti, shet tili muǵalimderi qajet etiledi. Onda pedagogterdi qoldaýdyń birqatar sharasy qarastyrylǵan: 150% deıingi mólsherde yntalandyrýshy qosymsha aqy tóleý, sondaı-aq arnaıy baǵdarlamaǵa qatysýshy JOO túlekterine «pedagog-moderator», al «pedagog-sarapshy» men «pedagog-zertteýshige» bir saty joǵary biliktilik sanatyn berý.

«Konkýrsqa tıisti beıini boıynsha joǵary pedagogıkalyq, joǵary kásiptik bilimi bar pedagogter, biliktilik sanattary bar pedagogter, sondaı-aq oqý úlgerimi jaqsy joǵary oqý oryndarynyń pedagogıkalyq mamandyqtarynyń túlekteri turǵylyqty jerine qaramastan qatysa alady. Baıqaýdan iriktelip, tórt oblystyń birine qonys aýdarǵan muǵalimderdiń balalary balabaqshada, orta mektepte orynmen qamtylady jáne olarmen eńbek sharty 5 jylǵa jasalady», - deıdi Oqý-aǵartý mınıstrligi Orta bilim komıtetiniń tóraǵasy Qanybek Jumashev.

Baıqaý eki kezeńnen turady: kompıýterlik testileý, esse jazý, sondaı-aq áńgimelesýden ótý. Testileý men esse jazý onlaın formatta elimizdiń 17 óńirinde NZM bazasynda qatysýshynyń tańdaýy boıynsha qazaq, orys nemese aǵylshyn tilinde ótedi. Muǵalimderdi bos laýazymdarǵa tartý úshin tıisti óńirlerdiń oblystyq bilim basqarmalary janynan úılestirý keńesteri, sondaı-aq mınıstrlik janynan konkýrstyq komıssııa qurylady.

Birinshi kezeńniń nátıjesi boıynsha 45 adam qujat tapsyrǵan.