Kadr rezerviniń músheleri astananyń 4 mektebine konkýrssyz dırektor boldy

<p>ASTANA. KAZINFORM — Astana qalasy boıynsha 18 kandıdat respýblıkalyq kadr rezervine alyndy. Árbir úmitker kásibı quzyretiniń joǵary deńgeıin kórsetti, dep habarlaıdy elorda ákimdigi. </p>

Bul pedagogter quzyrettilikterin baǵalaý úshin testileýden ótti.

Ekinshi kezeńde — úsh deńgeıli oqytý, úshinshi kezeńde — eldiń jetekshi mektepterinde taǵylymdamadan ótý, tórtinshi kezeńde — qorytyndy baǵalaý jáne qorytyndy kezeńde — mınıstrlik janyndaǵy komıssııamen áńgimelesý boldy.

Respýblıkalyq kadr rezervine engizilgen kandıdattardy orta bilim berý uıymdarynyń birinshi basshylarynyń bos laýazymdaryna taǵaıyndaý máselesi qaralýda.

Qazirgi tańda bilim berý uıymdarynyń basshylary bolyp úsh úmitker taǵaıyndaldy.

№ 14 mektep-gımnazııa dırektory laýazymyna Haılıtdınova Ǵalııa Rahmatýllaqyzy, № 82 «Daryn» mamandandyrylǵan lıtseıiniń dırektory laýazymyna Beısenbına Aıgúl Bazarbaıqyzy, № 62 mektep-lıtseıine Qaırat Muqashev taǵaıyndaldy.

Kadr rezervi úmitkerleri bilim berý uıymdarynyń basshylary laýazymyna konkýrstyq rásimnen ótpeı-aq birinshi basshynyń bos ornyna taǵaıyndalady.

Jańa býyn menedjerleri aldaǵy ýaqytta kezeń-kezeńimen mektepterge jáne «Jaıly mektep» ulttyq jobasy aıasynda salynyp jatqan bilim oshaqtaryn kadrlyq jaǵynan qamtamasyz etý máselesin sheshýge járdemdesedi.