Kadr rezervine engen jastardy 300 spartandyqpen teńestirip jatady - agenttik basshysy

NUR-SULTAN. QazAqparat – Prezıdenttik kadr rezervine kirgen jastar laýazymǵa taǵaıyndalmaı turyp, arnaıy ázirlengen baǵdarlamamen bilimderin jetildiredi. Bul týraly búgin Aqordada Memleket basshysy Qasym-Jomart Toqaevtyń Prezıdenttik kadr rezervine engen jastarmen kezdesýinde QR Memlekettik qyzmet isteri agenttiginiń tóraǵasy Anar Jaıylǵanova aıtty, dep habarlaıdy QazAqparat tilshisi.

«Jumysymyz osymen bitpeıdi. Biz jobany júzege asyrýdyń jańa kezeńine kóshemiz. Rezervtegiler jańa laýazymǵa taǵaıyndalǵanǵa deıin arnaıy ázirlegen baǵdarlamamen oqytqymyz keledi. Kýrstar sarapshy-qatysýshynyń usynymyn eskere otyryp, derbes bolýy yqtımal. Baǵdarlama rezervshiniń jaýapty memlekettik laýazymda jumys isteý úshin qajetti qosymsha bilim alýyna baǵyttalady», - dedi agenttik basshysy.

Onyń atap ótýinshe, prezıdenttik rezerv jasaqtaý bastamasy elimizde de, sonymen qatar odan tysqary jerlerde qoǵam tarapynan keńinen qoldaý tapqan.

«Rezervshilerdiń málimdelgen sany da aıryqsha tanymaldyqqa ıe boldy. Bul rette, rezervtegilerdi dańqty 30 spartandyqpen jıi salystyryp jatady. Dál osy rezervke kirý úshin úmitkerler arasynda básekelestik pen ıntellektýaldyq baqtalastyq boldy. Prezıdenttik jastar kadr rezervi syndy shyńdy baǵyndyrǵan jastarymyz belgilengen bıiktikti ustap turaryna senemin», - dedi Anar Jaıylǵanova.