Kadr irikteý: Joǵarǵy sot keńesiniń konkýrstyq rásimderine onlaın translıatsııa jasalady
«Men Prokýratýra jáne Adam quqyǵy jónindegi ýákil týraly Konstıtýtsııalyq zańdar qabyldaý qajet dep sanaımyn. Bul qujattar zań tártibin kúsheıtýge jáne quqyq qorǵaý qyzmetin udaıy jetildirý úshin qajet. Barlyq deńgeıdegi sottar shyn máninde táýelsiz, ashyq jáne kásibı bolmasa, zań ústemdigin qamtamasyz etý múmkin emes. Memleket osyǵan oraı aýqymdy jumys júrgizýde. Kadr irikteýdiń jańa júıesi engizilip, sot úderisi men rásimderiniń ashyqtyǵy birtindep arta túsýde», - dedi Qasym-Jomart Toqaev.
Bul rette Prezıdent Joǵarǵy sot keńesi mańyzdy ról atqaratynyn aıtty. Osy qurylym Prezıdenttiń sottardy jasaqtaý jónindegi Konstıtýtsııalyq ókilettigin qamtamasyz etedi. Sondaı-aq, sýdıalardyń táýelsizdigine jáne olarǵa eshkimniń qol suqpaýyna kepildik beredi.
«Keńestiń qyzmeti qoǵam úshin tolyq ashyq bolýy óte mańyzdy. Buǵan Joǵarǵy sot keńesiniń konkýrstyq rásimderine onlaın translıatsııa jasaý arqyly qol jetkizýge bolady. Sonymen qatar, mundaı konkýrstardyń qorytyndylaryn naqty dálelmen túsindirip, jarııalap otyrǵan jón», - dedi Q. Toqaev.