«KADEX»: 26 memleket Qazaqstanǵa ozyq qarý-jaraqtaryn alyp keledi
Atalmysh sharaǵa alys-jaqyn sheteldik iri kásiporyndardyń basshylary men Qorǵanys mıınstrleri qatysady, dep habarlaıdy Qazaqstan Respýblıkasy Qorǵanys jáne aeroǵarysh ónerkásibi mınıstrliginiń Baspasóz qyzmeti.
Búgin Reseı, Belarýs, Qyrǵyzstan, Armenııa, Iran, BAÁ, Túrkııa, Iordanııa jáne basqa elderdiń Qorǵanys mınıstrleriniń bastamasymen 21 resmı ókilder Kórmege qatysýyn rastady.
Ázerbaıjan, Egıpet, Izraıl, Italııa, Mońǵolııa jáne ózge elderdiń qorǵanys mekemeleriniń ókilderi de keledi. Sonymen qatar 98 sheteldik kásiporynnyń basshylary «KADEX - 2018» kórmesine qatysýǵa nıet bildirdi.
Eksponent retinde «KADEX - 2018» Kórmesinde Belarýs, Belgııa, Bolgarııa, Brazılııa, Germanııa, Izraıl, Úndistan, Ispanııa, Italııa, QHR, Nıderlandy, RF, AQSh, Serbııa sııaqty álemniń 26 elinen 294 kásiporyn óz ónimderin kórsetedi.
Kórmede álemniń jetekshi óndirýshileriniń qarý-jaraq jáne áskerı tehnıka ónimderi usynylady.
«KADEX - 2018» kórmesiniń kelýshileri munda qorǵanys-ónerkásip kesheni men ǵarysh salasynyń sońǵy jetistikteri men keleshegi bar ǵylym jańalyqtarymen tanysa alady.
Kórmede negizgi basymdyq elektrondy júıege, baılanys júıesine jáne qarý-jaraqpen basqarýǵa, aqparattyq qaýipsizdikte zamanýı sheshimderdi izdeýge beriledi.
Budan buryn aıtylǵandaı, «KADEX» Qazaqstan Respýblıkasy Qorǵanys jáne aeroǵarysh ónerkásibi mınıstrliginiń qoldaýymen ótetin alǵashqy kórme.
Oǵan qorǵanys-ónerkásip kesheni men ǵarysh salasyndaǵy otandyq jáne sheteldik kásiporyndar, aqparattyq qaýipsizdik boıynsha jetekshi ǵylymı-zertteý ınstıtýttary men konstrýktorlyq bıýro ókilderi qatysady.
Qazaqstannyń astanasy - Astana qalasynyń 20 jyldyǵyna oraı «KADEX - 2018» kórmesi jańa formatta ótedi. Kórmeniń ǵylymı-iskerlik baǵdarlamasy aıasynda alǵash ret «Qazaqstandaǵy ǵarysh kúnderi» Halyqaralyq forýmy ótedi jáne «Cyber and Digital Security» ı «Advanced Def Tech» konferentsııalary uıymdastyrylady.
Kórmeniń alǵashqy kúni QR QAÓM, QR AKM, «Qazpochta» AQ basshylary men sheteldik qurmetti qonaqtardyń qatysýymen Qazǵaryshtyń 25 jyldyǵyna arnalǵan «KADEX - 2018» emblemasymen birge arnaıy pochta mórqalyby soǵylǵan pochtalyq markany soǵý saltanaty ótedi. Osy kúni kez kelgen adam estelikke Kórme aýmaǵynan marka men pochta mórqalyby soǵylǵan konvertti ala alady.