«KADEX-2016» kórmesinde korablderdi jetkizip berý týraly memorandýmǵa qol qoıyldy (FOTO)

ASTANA. QazAqparat - IV halyqaralyq «KADEX-2016» qarý-jaraq pen áskerı-tehnıkalyq múlik kórmesi sheńberinde birqatar kelisimsharttarǵa qol qoıyldy, dep habarlady QR Qorǵanys mınıstrliginiń baspasóz qyzmetinen.

Búgin, QR Qorǵanys mınıstriniń orynbasary general-maıor Talǵat Muhtarovtyń qatysýymen Qazaqstannyń Áskerı-teńiz kúshteri úshin «Abeking&Rasmussen» nemis kompanııasynyń zymyran-artıllerııalyq korablin jetkizip berý týraly memorandýmǵa qol qoıyldy.

«Áskerı-teńiz kúshteri soqqy korablge qarsy zymyran kesheni bar zamanaýı zymyran korablderiniń monıtorıngin júrgizedi. Onyń barysynda nemis kompanııalarynyń biri aýmaǵymyzda atalmysh korablderdiń óndirilýin uıymdastyrýǵa nıet tanytty. Bul máseleler boıynsha korablderdiń tehnıkalyq ereksheligi men korabldiń belgili bir beınesi kelisildi. Búginde osy kórme barysynda biz nıet hattamasyna qol qoıyp jatyrmyz. Jáne de kompanııada atalǵan joba boıynsha ári qaraı pysyqtaýǵa arnalǵan negiz bolady», - dedi QR QK ÁTK bas qolbasshysy vıtse-admıral Jandarbekov Janzaqov.

Nemis kompanııasy Qazaqstanmen ári qaraı yntymaqtastyq jasaýǵa múddeli jáne aýmaǵymyzda iri keme qurastyrý kásipornyn qurýǵa nıet bildirdi.