«KADEX-2010» І Halyqaralyq qarý-jaraq jáne áskerı-tehnıkalyq múlik kórmesi ashylady
Ashylý rásimine QR Prezıdenti Nursultan Nazarbaev pen Túrkııa Prezıdenti Abdolla Gúldiń qatysýy josparlanǵan. Bul týraly atalǵan kórmeniń ashylýyna arnalǵan baspasóz máslıhaty barysynda QR Qorǵanys vıtse-mınıstri, general-maıor Talǵat Janjúmenov aıtty.
Atalǵan sharaǵa álemniń 20 elinen 200-ge jýyq kompanııa qatysyp, ІT-tehnologııalar, baılanys, tyldyq múlikter, medıtsına, sondaı-aq ınfraqurylym men qurylys bólimderi boıynsha qarý-jaraq jáne áskerı tehnıka salasyndaǵy jetistiktermen tanystyrady.
«Ekspozıtsııanyń basym bóligin, atap aıtqanda 100-den astam stendterde qazaqstandyq bıznes ókilderi Qazaqstannyń Qarýly Kúshteri qajettigi úshin shyǵarylatyn ónimderdi usynady. Bul ónimder tylǵa qajetti zattardan bastap, áskerı tehnıkalardyń jetildirilgen úlgileri», deıdi qorǵanys vıtse-mınıstri.
Onyń atap ótýinshe, kórmeniń negizgi maqsattarynyń biri - otandyq taýar óndirýshilerdiń múmkindikterine jáne Qazaqstan Qarýly Kúshteriniń qajettiligine sáıkes olardyń damý bolashaqtaryna taldaý jasaý, sonymen qatar armııany zamanaýı tehnıkalarmen jaraqtandyrý úshin qarý-jaraq ári arnaıy jabdyqtardy óndiretin sheteldikterdi elimizge tartý.
Kórmege Reseı, Avstrııa, Blarýs, Bolgarııa, Ulybrıtanııa, Ispanııa, Italııa, Qytaı, Koreıa, Slovakııa, Túrkııa, Ýkraına, Frantsııa, Chehııa syndy elderdiń kásiporyndary qatysatyndyǵyn atap ótken T.Janjúmenov «Qazaqstan qorǵanys vedomstvosynyń basshysy Ádilbek Jaqsybekovtiń shaqyrýymen birqatar memleketterdiń qorǵanys mınıstrleri jáne Reseı, Belarýs, Ýkraına elderiniń iri qorǵanys-ónerkásip kompanııalarynyń basshylary qatysady», dep qorytty sózin.
Kórme mamyrdyń 29-yna deıin jalǵasady.