Kadet korpýsy 20 jylda eki myńnan astam kásibı serjanttardy daıarlady (FOTO)
QR Qorǵanys mınıstrliginiń baspasóz qyzmetiniń habarlaýynsha, 20 jyl ishinde Kadet korpýsy áskerı bilim berý júıesinde óziniń baǵytyn berik ornyqtyryp, 18 oqý jylynda kásipqoı serjanttardy daıyndap shyǵardy. Qazirgi kezde QR Qarýly kúshteriniń, basqa da áskerleri men áskerı quralymdarynda ártúrli laýazymdarda qyzmet atqaryp júrgen 2 200-den asa kásibı serjantty osy oqý ornynyń túlekteri.
Kásipqoı serjanttardy daıarlaý janyndaǵy Kadet korpýsynyń basty mindeti - olardyń kásibıligi men quzyrettiliginiń joǵary deńgeıin qamtamasyz etý bolyp tabylady.
Túlekter Kadet korpýsyn aıaqtaǵannan keıin «Avtomobıldi jáne brondy tankti tehnıkany jóndeý boıynsha slesar» jáne «EEM operatory» biliktiligi, sondaı-aq, «3-synypty JÁJM mehanık-júrgizýshisi» jáne «S» sanatyndaǵy avtomobıl júrgizýshisi kýáligi berile otyryp, «Komandalyq-taktıkalyq motoatqysh áskerleri» mamandyǵy boıynsha dıplom alady. Jalpy bilim berý bazasynda oqý merzimi - eki jyl.
Odan basqa, jyl saıyn Qazaqstan Qarýly Kúshteriniń quramalary men bólimderinde kadetterdiń áskerı taǵylymdamasy ótedi. Olar úshin bul jańa praktıkalyq tájirıbe jáne QR QK áskerı bólimderi men bólimshelerinde naǵyz qyzmetti tanyp-bilýdiń alǵashqy múmkindigi boldy. Onyń ústine jarty jyldan keıin olardyń árqaısysy óz qyzmetin bastaýǵa kirisedi.
Áskerı taǵylymdamanyń merzimi - 2 aı. Bul ýaqytta bolashaq serjanttar kadet korpýsynda alǵan teorııalyq jáne praktıkalyq daǵdylary men mashyqtaryn bekitýge, Qarýly kúshterdegi shynaıy qyzmetke daıyndalýǵa, kásipqoı kóshbasshynyń daǵdysyn jetildirýge týra keledi.