Kabýldaǵy bilim ortalyǵynda jarylys bolyp, 19 adam qaza tapty

AMMAN. QazAqparat – Aýǵanstan astanasynda juma kúni tańerteń bilim berý ortalyǵynda bolǵan jarylys saldarynan keminde 19 adam qaza taýyp, ondaǵan adam jaraqat aldy, dep habarlaıdy QazAqparat CNN telearnasyna silteme jasap.

Kabýldaǵy bilim ortalyǵynda jankeshti jasaǵan jarylystan kem degende 19 adam qaza tapty, olardyń kópshiligi jas áıelder.

Jarylys Aýǵanstan astanasynyń Dashte Barchı aýdanyndaǵy «Kaaj» bilim berý ortalyǵynda boldy.

Kabýl polıtsııasynyń ókili Halıd Zadran birinshi jarylys bolǵan kezde stýdentter juma kúni tańerteń jergilikti ýaqyt boıynsha tańǵy saǵat 7:30-da ýnıversıtetke túsý emtıhandaryn tapsyryp jatqanyn aıtty. Polıtsııanyń habarlaýynsha, keminde 19 adam qaza taýyp, 27 adam jaralanǵan.

Talıban Іshki ister mınıstrliginiń ókili Abdýl Nafı Takor oqıǵa ornynda qaýipsizdik toptary jumys istep jatqanyn aıtty.

Shabýyl úshin jaýapkershilikti kim óz moınyna alǵany jaıly málimet joq.

Sońǵy aptalarda Kabýlda birneshe lańkestik áreket ondaǵan adamnyń ómirin qıdy.

Foto: AFP/Getty Images