Kabýlda Aýǵanstannyń Qazaqstannan beriletin gýmanıtarlyq kómekke muqtajdyǵy talqylandy

NUR-SULTAN. QazAqparat - Qazaqstannyń Kabýldaǵy Elshisi Álimhan Esengeldıevtiń Aýǵanstan ýaqytsha úkimetindegi syrtqy ister mınıstriniń mindetin atqarýshy Ámir Han Mýttakımen kezdesýi kezinde aýǵan halqyna azyq-túlik pen basqa da gýmanıtarlyq kómek kórsetý máseleleri talqylandy, dep habarlaıdy QR SІM baspasóz qyzmeti.

Aýǵanstannyń syrtqy saıası vedomstvasynyń basshysy Qazaqstan tarapyna ótpeli qıyn kezeńde aýǵan halqyna eleýli qoldaý kórsetýge ázirlik bildirgeni úshin alǵysyn aıtty.

Onyń pikirinshe, Aýǵanstannyń jańa bıligi barlyq eldermen, birinshi kezekte kórshilermen jáne óńirdegi memlekettermen beıbit qarym-qatynas ornatýǵa, sondaı-aq el aýmaǵynan olardyń qaýipsizdigine qandaı da bir qaterdiń týyndaýyna jol bermeýge daıyn ekendigin rastaıdy. Qazaqstannyń syrtqy saıasatyna, sonyń ishindegi aýǵan baǵytyndaǵy ustanymyna qurmetpen qaraıtyny atap ótildi.