Kabýl áýejaıyndaǵy alasapyran kezinde bolǵan atystan 12 adam qaza tapty
13:44, 19 Tamyz 2021
KABÝL. QazAqparat – Bılik basyna «Talıban» ókilderi kelgeli Kabýlda alasapyran, atys bolyp 10-nan astam adam qaza tapty, dep habarlaıdy QazAqparat Reuters agenttigine silteme jasap.
Agenttiktiń habarlaýynsha, Kabýl áýejaıy men onyń mańynda bolǵan alasapyran men atys kezinde 12 adam qaza tapty.
Bul rette Reuters agenttigi «Talıban» qozǵalysy men NATO málimetterin negizge alyp otyr.
Osyǵan deıin tálibterdiń jeksenbi kúni Aýǵanstandy basyp alǵany, sonyń saldarynan úreı bılegen aýǵan halqy elden ketý úshin Kabýl áýejaıyna aǵylǵany habarlandy.