«Kabırhan» qatysqan at báıgesiniń rejısseri Kóshpendiler oıynyna keldi

<p>ASTANA. KAZINFORM &ndash; Brıtandyq rejısser Djonatan Edvards &laquo;Qazaqstan&raquo; teleradıokorporatsııasynyń shaqyrýymen Astanada ótip jatqan V Dúnıejúzilik kóshpendiler oıynyna keldi. Bul týraly &laquo;Qazaqstan&raquo; Ulttyq telearnasy habarlady.&nbsp;</p>

Álemdik deńgeıdegi at jarystary men sporttyq sharalardyń rejısseri 13 qyrkúıek kúni «Qazsport» telearnasynan tikeleı efırde kórsetiletin báıgeniń translıatsııasyna rejısserlik etedi. Búgin «Qazaqstan» teleradıokorporatsııasynyń túsirlim tobymen birge «Qazanat» ıppodromynda bolyp, Korporatsııanyń tehnıkalyq múmkindikterimen tanysty. 

Foto: «Qazaqstan» Ulttyq telearnasy

Djonatan Edvards – 20 jyldan astam tájirıbesi bar sport rejısseri. Regbı, badmınton, trıatlon, avto, motosport, golf, hokkeı jáne at sportynan halyqaralyq jarystarǵa, onyń ishinde qazaqstandyq sáıgúlik «Kabırhan» qatysqan Dýbaıdaǵy «Al Maktoum Challenge» týrnırine rejııserlik etken.

Foto: «Qazaqstan» Ulttyq telearnasy

Kóshpendiler oıyndary aıasyndaǵy at jarysy «Qazsport» telearnasynan 13 qyrkúıek kúni Astana ýaqytymen saǵat 09.00-den bastap kórsetiledi. Tikeleı efır translıatsııasy arnanyń You Tube, Facebook, Tik-Tok jelisindegi paraqshalary arqyly taratylady.

Eske sala keteıik, jyl basynda qazaqstandyq sáıgúlik Kabırhan Dýbaıda ótken jarysta top jarǵan edi. Talaı sheteldikti tańdaı qaqtyrǵan tulpar Qazaqstannyń atyn álemge tanytty.