«Kabınetinde qyz zorlaǵan» — Taldyqorǵan qalalyq polıtsııasynyń burynǵy basshysyna qatysty úkim ózgerissiz qaldy
17:04, 06 Tamyz 2024
<p>JETІSÝ. KAZINFORM — Taldyqorǵanda qalalyq polıtsııasynyń burynǵy basshysy Marat Kúshtibaevqa qatysty apellıatsııalyq sottyń sheshimi shyqty.</p>
«Jetisý oblystyq sotynyń qylmystyq ister jónindegi apellıatsııalyq alqasy Marat Kúshtibaevqa qatysty úkimdi ózgerissiz qaldyrdy», — dep habarlady oblystyq sottan.
Eske salaıyq, osy jyldyń sáýir aıynda Taldyqorǵan polıtsııasynyń bastyǵy kabınetinde qyz zorlaǵany úshin 11 jylǵa sottalǵan edi.
Ol byltyr qarashada Taldyqorǵan polıtsııasynyń basshysy Marat Kúshtibaev qyz zorlady degen kúdikpen ustalǵan bolatyn.
Málimetke sensek, qylmys onyń kabınetinde bolǵan.
Aqpan aıynyń sońynda Marat Kúshtibaevqa qatysty sot otyrysy bastalǵan edi.
Protsess jabyq rejımde ótti.
Naýryz aıynda Marat Kúshtibaevtyń densaýlyǵy syr berip, sot zalynan aýrýhanaǵa alyp ketti.