Kabınasy tútindegen Boeing 777 Baký áýejaıyna qonýǵa májbúr boldy
09:43, 12 Jeltoqsan 2017
ASTANA. QazAqparat - 11 jeltoqsan kúni British Airways kompanııasynyń Boeing 777 ushaǵy amalsyz jaǵdaıda Bakýdyń halyqaralyq Geıdar Álıev atyndaǵy áýejaıyna qondy.
AZERTADJ agenttigi habarlaǵandaı, ushaq Mýmbaı-London baǵytynda ushyp bara jatqan. Kabına ishinen shyqqan tútinge baılanysty áýe kemesiniń komandıri Baký áýejaıyna amalsyz jaǵdaıda qoný týraly sheshim qabyldaǵan.
Ushaq jerge oıdaǵydaı qondy. Qazir áýe kemesi Baký áýejaıynda tehnıkalyq tekseristen ótip jatyr. Ushaq bortynda 135 jolaýshymen birge 17 ekıpaj múshesi bar.