Qaharman Musaev Atyraý oblysy Din isteri basqarmasyna basshy boldy

<p>ATYRAÝ. KAZINFORM &ndash; Atyraý oblysy ákiminiń ókimimen oblystyq Din isteri basqarmasyna jańa basshy taǵaıyndaldy. Bul laýazymdy Qaharman Musaev atqarady.</p>

Oblys ákimi apparatynyń basshysy Nurlybek Jeńisbekuly jańa basshyny ujymǵa tanystyryp, jumysyna sáttilik tiledi.

Qaharman Musaev 1982 jyly Atyraý oblysynda dúnıege kelgen. Túrkııa Respýblıkasyndaǵy Selchýk ýnıversıtetin teolog, Batys Qazaqstan ınnovatsııalyq-tehnologııalyq ýnıversıtetin quqyqtaný mamandyǵymen bitirgen.

Eńbek jolyn 2011 jyly «Sema Qurylys» JShS-da bastap, 2012 jylǵy aqpanǵa deıin menedjer bolyp jumys istegen.

Sol jyldyń sońyna deıin «Arma Global Servıs» JShS-niń satý boıynsha menedjeri bolǵan.

2012 jyldyń sońynan búginge deıin Atyraý oblystyq Din isteri basqarmasynda túrli basshylyq laýazymdy atqaryp kelgen.

Eske sala ketelik, budan buryn Atyraý munaı óńdeý zaýytynyń bas ınjeneri taǵaıyndalǵanyn jazǵan bolatynbyz.