Q.Jaqypov: Memleketimizdi odan ári damytýdyń kepili, boıtumarymyz ol - Konstıtýtsııa
QR Parlamenti Májilisiniń, Konstıtýtsııalyq Keńestiń, Qazaqstan Zańgerler odaǵynyń uıymdastyrýymen ótip konferentsııany Palata Tóraǵasy Qabıbolla Jaqypov kirispe sózben ashty.
Májilis Tóraǵasy osydan 20 jyl buryn qazaqstandyqtardyń jalpyhalyqtyq referendým jolymen Ata Zańdy qabyldaǵanyn, onyń jas memleketimiz damýynyń strategııalyq baǵytyn aıqyndaǵan saıası-quqyqtyq qujat bolýmen qatar, qazaqstandyq azamattylyq pen patrıotızmdi qalyptastyrýdyń negizin qalaǵan mańyzdy memlekettik jáne qoǵamdyq qundylyqqa aınalǵanyn atap ótti.
Q.Jaqypov osy asa mańyzdy qujatty ázirlep, qabyldaýda Elbasynyń eren eńbegi men tarıhı róline aıryqsha kóńil bóldi.
Májilis Spıkeriniń pikirinshe, Konstıtýtsııa - Qazaqstan Prezıdentiniń beıbitshilik pen kelisimdi nyǵaıtýdaǵy, memlekettik bılik pen basqarýdy júıeleýdegi, túrli saladaǵy túbegeıli reformalardy oryndaýdaǵy, demokratııalyq ınstıtýttardy damytyp, áleýmettik jańǵyrtýdy júzege asyrýdaǵy nyq qadamdarynyń berik tuǵyrnamasy.
Óz sózinde Qabıbolla Jaqypov Ata Zańnyń prıntsıpteri men ustanymdaryna sáıkes, qol jetkizilgen tabystar men bolashaq maqsattardy sóz etti. Ásirese, Elbasy usynǵan 5 ınstıtýtsıonaldy reformanyń mańyzdylyǵyn basa aıta kelip, keshe ǵana Qazaqstan halqynyń nazaryna atalǵan reformalardy júzege asyrýdyń «100 naqty qadam - Ult josparynyń» usynylǵanyn atap ótti. Elbasynyń «Máńgilik el» jolyndaǵy strategııalyq tapsyrmalaryn sapaly zańnamalyq qamtamasyz etý baǵytynda atqarylýy tıis jumystarǵa toqtaldy.
Konferentsııa jumysyna tabys tileı kele, Májilis Spıkeri: «Memleketimizdi odan ári damytýdyń jáne alǵa qoıǵan bıik maqsattarǵa qol jetkizýdiń birden bir kepili, boıtumarymyz - ol Konstıtýtsııa. Onyń árbir qaǵıdasy, árbir erejesi eń joǵarǵy zańdy kúshke ıe jáne múltiksiz oryndalýǵa tıis. Máńgilik solaı bolsyn!»,-dedi.