Q.Turǵanqulov saılaý úderisindegi jańashyldyqty atady

ASTANA. QazAqparat - Eń bastysy, biz saılaýshylarǵa daýys berý múmkindigin jasaýymyz qajet. Búgin Ázerbaıjannan kelgen baıqaýshylarmen kezdesken Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov osylaı dedi.

«Saılaý ýchaskesine kelip, tizimnen ózderiniń aty-jónderin taba almaǵan saılaýshylardy tirkeý boıynsha baıypty jumystar júrgizdik. Biz saılaý ýchaskesinde Halyqqa qyzmet kórsetý ortalyqtary men saılaý ýchaskeleriniń arasyndaǵy úılesimdi jumysty jolǵa qoıdyq», - dedi Q.Turǵanqulov.

Onyń atap ótýinshe, azamattar saılaýshylar tiziminen óziniń aty-jónin taba almaǵan jaǵdaıda saılaý ýchaskesinde otyryp Halyqqa qyzmet kórsetý ortalyǵyna habarlasady. Al ortalyq óz kezeginde azamattyń turǵylyqty jerin kórsetken anyqtama beredi.

«Eger bári sáıkes keletin bolsa, bıýlleten beriledi. Bul jańalyq. Biz muny aǵymdaǵy jyly belsendi engizýdi qolǵa aldyq. Menińshe, bul bizdiń jumysymyzǵa jaqsy demeý bolady», - dedi QR OSK tóraǵasy.