Q.Turǵanqulov reseılik baıqaýshylarmen kezdesti
QR OSK basshysy delegatsııa múshelerin parlamenttik saılaýdy ázirleý men ótkizý jónindegi Ortalyq saılaý komıssııasynyń qyzmetimen tanystyrdy, saılaý naýqanynyń erekshelikteri, daýys berý kúnine daıyndyq týraly aıtty.
«Saılaý komıssııalary daýys berýdi ótkizýge materıaldyq, kadrlyq, tehnıkalyq jáne aqparattyq daıyn», - dep atap ótti ol.
Reseı saılaý organdarymen yntymaqtastyq týraly aıta kele Q.Turǵanqulov: «Reseıdiń Ortalyq saılaý komıssııasymen jáne Reseı óńirleriniń saılaý komıssııalarymen bizde burynnan beri dostyq qarym-qatynas ornaǵan. Reseı Federatsııasynyń Ortalyq saılaý komıssııasymen birinshi bolyp saılaý protsesin damytý jáne jetildirý salasynda yntymaqtastyq jáne tájirıbe almasý týraly memorandýmǵa qol qoıǵanymyz kezdeısoq emes», - dep atap kórsetti.
Reseı Federatsııasy Ortalyq saılaý komıssııasynyń múshesi S. Shapıev Qazaqstan Respýblıkasy saılaý organdarynyń joǵary kásibı deńgeıin atap ótti. RF OSK Tóraǵasy V.Chýrovtyń atynan kóp jylǵy tabysty yntymaqtastyq úshin rızashylyǵyn bildirdi. Sondaı-aq QR Ortsaılaýkom basshysy Q.Turǵanqulovqa joǵarǵy vedomstvolyq «Saılaýdy uıymdastyrýda sińirgen eńbegi úshin» qurmet belgisin tapsyrdy.