Q.Toqaev «Turaqty adamzattyq damýdyń jańa paradıgmasy. G-Global - jahandyq dıalog formaty» atty halyqaralyq konferentsııaǵa qatysty
Jıynda Q.Toqaev adamnyń ornyqty damýy men qaýipsizdigin qamtamasyz etý úshin qajetti ózgerister týraly óz oılarymen bólisti jáne jańa paradıgma týraly on tujyrymyn usyndy.
Olar: Birinshi. Ekonomıkalyq qyzmettiń mán-maǵynasyndaǵy basymdyqtar naqtylaýdy talap etiledi. Ekonomıkany damytýdyń túpki maqsaty - adamdar ómiriniń sapasyna qatysty: ǵylymdy damytý, densaýlyq saqtaý, bilim berý, mádenıet máselelerin sheshý.
Ekinshi. Ornyqty damýdyń jańa paradıgmasyndaǵy mańyzdy másele ekologııalyq máselelerdi qaıta baǵalaý bolyp tabylady. Qorshaǵan ortany saqtaý jáne qaıta túletý - órkenıettiń ornyqty damýynyń mindetti sharty.
Úshinshi. Ornyqty damýdy qamtamasyz etýde adam kapıtalynyń erekshe róli bar. Oǵan baılanysty BUU-nyń «Myńjyldyqty damytý maqsattary» baǵdarlamasy jáne ony 2015 jyldan keıin iske asyrý erekshe mańyzǵa ıe.
Tórtinshi. Adam damýynyń jańa tujyrymdamasy jahandyq aýqymdaǵy áleýmettik teńdikti teńestirý jolymen bul jaǵdaıdy eńserý jónindegi sharalardy qarastyrýy tıis.
Besinshi. Damý jolyndaǵy, kedeı elder ózine erekshe nazar aýdarýdy talap etedi, olar ekonomıkalyq reformalardy júzege asyrady jáne saıası ınstıtýttardy transformatsııalaı otyryp, ornyqty damý jolyna shyǵýǵa kúsh salýda.
Altynshy. Jańa álem tártibi tujyrymdamasynda álemdik órkenıet úshin ár mádenıettiń teńdeı qundylyǵynda alýan mádenıet shoǵyry qaǵıdalary kórinis tabady.
Jetinshi. Adamdardy, ekonomıkany jáne memleketti bir birine qarsy qoıatyn jappaı básekelestik paradıgmasyn qaıta oılastyrý qajet. Bul jerde teń quqyqtylyq, ózara qurmet jáne ortaq ıgilik úshin birlesken eńbek turǵysynda ózara tıimdi yntymaqtastyq nazarǵa alynýy tıis.
Segizinshi. Ornyqty damý paradıgmasy qaýipsizdiktiń qazirgi jáne keleshektegi qaterlerin eskere otyryp, jańa álemdik tártip qalyptastyrýdy kózdeýi tıis.
Toǵyzynshy. Qaýipsizdiktiń jańa paradıgmasy: terrorızm jáne ekstremızmniń jolyn qalaı kesý kerek, órkenıet aıyrmalary týyndaý qaýpin qalaı aldyn alý kerek, álemdik saıasattaǵy janjaldardyń áleýetin azaıtý saýaldaryna jaýap berýi tıis.
Onynshy. Ornyqty damý demokratııa negizinde ishki saıası turaqtylyqty kórsetedi, biraq ony syrttan ákelmeı, tarıhı tájirıbeni, eldiń mádenı dástúrlerin eskerý mańyzdy.
Sharaǵa belgili sheteldik jáne otandyq sarapshylar, memlekettik jáne qoǵam qaıratkerleri, ǵalymdar qatysyp, bilim berý reformalaryn, ǵylymnyń áleýmettik jaýapkershiligin, ekonomıka men ekologııanyń yqpaldastyǵyn, jumyspen qamtýdy, zań ústemdigin, qaýipsizdik máselelerin talqylady.