Q.Toqaev: Prezıdenttiń sózi - Qazaqstan úshin jol kórsetkish baǵdar
«Partııa men halyq aldynda turǵan mindetter jaıynda salmaqty áńgime boldy. Memleket basshysynyń sózi mazmuny boıynsha óte tereń jáne Májilistiń jáne máslıhattardyń saılaýy qarsańynda jol kórsetetin baǵdar bolýy tıis», - dedi Q.Toqaev. Búkil Parlamenttiń zań shyǵarý mindetin oryndaı otyryp, Senat Prezıdent saıasatyn iske asyrýǵa joǵary jaýapkershilikpen ári biliktilikpen atsalysady jáne «bul jaýapkershilik, eń aldymen, qabyldanatyn zańdardyń sapasyna qatysty», - dep atap ótti Senat Tóraǵasy.
Senat Bıýrosy joǵarǵy Palatanyń 2016 jylǵy 4 aqpanda bolatyn kezekti otyrysynyń kún tártibin kelisti.
Senatorlar Qazaqstan men Germanııa Úkimetteri arasyndaǵy Adamdardy qabyldaý jáne tranzıtteý týraly kelisimdi (readmıssııa týraly kelisim); Qazaqstan men Chehııa Úkimetteri arasyndaǵy Zańsyz kelgen adamdardyń readmıssııasy týraly kelisimdi; Qazaqstan men Reseı Úkimetteri arasyndaǵy «Baıqońyr» ǵarysh aılaǵynan zymyrandardy jiberý kezinde avarııalar bolǵan jaǵdaıdaǵy ózara is-qımyl tártibi týraly kelisimge ózgerister engizý týraly hattamany ratıfıkatsııalaý týraly zań jobalaryn talqylaıdy.
Bıýro sondaı-aq Májilistiń taraýyna baılanysty Parlamenttiń tómengi palatasynyń Apparatynan suratyp alynǵan 16 zań jobasy Senattyń turaqty komıtetterine bólinip berildi.
Atap aıtqanda, Konstıtýtsııalyq zańnama, sot júıesi jáne quqyq qorǵaý organdary komıtetine Qazaqstan men Moldova arasyndaǵy zańsyz bolatyn adamdardyń readmıssııasy týraly kelisimdi jáne zańsyz bolatyn adamdardyń readmıssııasy týraly kelisimdi iske asyrý boıynsha atqarý hattamasyn ratıfıkatsııalaý týraly zań jobasyn júrgizý tapsyryldy.
«Shanhaı yntymaqtastyq uıymyna múshe memleketterdiń shekara máseleleri boıynsha yntymaqtastyǵy men ózara is-qımyly týraly kelisimdi ratıfıkatsııalaý týraly» zań jobasy Halyqaralyq qatynastar, qorǵanys jáne qaýipsizdik komıtetine berildi.
Ekonomıkalyq saıasat, ınnovatsııalyq damý jáne kásipkerlik komıteti «Qazaqstan Respýblıkasynyń keıbir zańnamalyq aktilerine memlekettik qyzmetter kórsetý máseleleri boıynsha ózgerister men tolyqtyrýlar engizý týraly»; «Qazaqstan Respýblıkasynyń keıbir zańnamalyq aktilerine tutynýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly»; «Qazaqstan Respýblıkasynyń keıbir zańnamalyq aktilerine temirjol jolaýshylar kóligi máseleleri boıynsha ózgerister men tolyqtyrýlar engizý týraly»; «Poshta týraly» jáne zańnamaǵa poshta máseleleri boıynsha túzetýler; «Lotereıa jáne lotereıa qyzmeti týraly» jáne zańnamaǵa lotereıa jáne lotereıa qyzmeti máseleleri boıynsha túzetýler; Qazaqstan men Slovakııa Úkimetteri arasyndaǵy Investıtsııalardy kótermeleý jáne ózara qorǵaý týraly kelisimdi ratıfıkatsııalaý týraly zań jobalary boıynsha bas komıtet bolyp belgilendi.
Áleýmettik-mádenı damý jáne ǵylym komıteti «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasy boıynsha jumystarǵa basshylyq etedi.
Zańnamaǵa ǵarysh qyzmeti; astyq naryǵyn retteý; Qazaqstan Respýblıkasynyń «jasyl ekonomıkaǵa» kóshý máseleleri boıynsha túzetýlerdi; Kaspıı teńiziniń teńiz ortasyn qorǵaý jónindegi negizdemelik konventsııaǵa Munaımen lastanýǵa ákeletin tosyn oqıǵalar jaǵdaıyndaǵy óńirlik ázirlik, den qoıý jáne yntymaqtastyq týraly hattamany jáne Qurlyqtyq qaırańda ornalasqan statsıonarlyq platformalar qaýipsizdigine qarsy baǵyttalǵan zańsyz is-árekettermen kúres týraly hattamaǵa 2005 jylǵy hattamany ratıfıkatsııalaý týraly zań jobalaryn júrgizý Agrarlyq máseleler, tabıǵatty paıdalaný jáne aýyldyq aýmaqtardy damytý komıtetine tapsyryldy.