Q.Toqaev pen Q.Jaqypov UQShU PA-nyń 8-shi plenarlyq otyrysyna qatysty

SANKT-PETERBOR. QazAqparat - Senat tóraǵasy Qasym-Jomart Toqaev pen Májilis tóraǵasy Qabıbolla Jaqypov basqarǵan Qazaqstan senatorlary men májilis depýtattarynyń delegatsııasy Sankt-Peterborda UQShU PA-nyń 8-shi plenarlyq otyrysyna qatysty.

Jıyn lańkester qolynan qaza tapqandardy bir mınýt únsizdikpen eske alýdan bastaldy. Parlament depýtattarynyń 8-shi plenarlyq otyrysynyń kún tártibinde shamamen 18 suraq boldy, sonyń ishinde 15-i - UQShU-ǵa múshe memleketterdiń lańkestik pen ekstremızmge qarsy is-qımyldar júrgizý, sybaılas jemqorlyqtyń aldyn alý jáne oǵan qarsy kúres júrgizý, tabıǵı jáne tehnogendik sıpattaǵy tótenshe jaǵdaılar týyndaǵan kezde shekara mańyndaǵy yntymaqtastyq, gýmanıtarlyq kómek salasynda ulttyq zańnamany jaqyndastyrý jáne úılestirý usynystary boıynsha jobalar.

Otyrys jumysyna alǵash ret Pákistan, Iran parlamentarııleri, sondaı-aq Qytaı ókilderi qatysty. Olardyń qatysýy týraly sheshim UQShU men ShYU-nyń yntymaqtastyǵyn damytý maqsatynda qabyldandy.