Q.Toqaev AQSh-ta túngi klýbtaǵy atysqa qatysty pikir bildirdi
«Orlandodaǵy qandy qyrǵyn Islamdyq radıkalızmniń taǵy bir kórinisi», - dep jazdy Senat spıkeri Tvıtterdegi paraqshasyna.
Aıta keteıik, AQSh-tyń Orlando qalasynda túngi klýbta atystan qaza tapqandar sany 50 adamǵa jetti. Al 53 adam túrli deńgeıdegi jaraqat alǵan, qazir olar aýrýhaǵa jatqyzyldy.
Dárigerlerdiń aıtýyna qaraǵanda, olardyń keıbiriniń jaǵdaıy aýyr.
Eske sala keteıik, Orlandodaǵy túngi klýbta atys boldy. Sonyń saldarynan qaza tapqandardyń sany 50 adamǵa jetip otyr. Munan bólek, 53 adam túrli deńgeıde jaraqat alsa, olardyń keıbiriniń jaǵdaıy tym aýyr. Qaskóıdiń 29 jastaǵy Omar Matın esimdi jergilikti turǵyn ekeni de belgili. Onyń otbasy Aýǵanstannan kóship kelipti. Ol beıbereket oq atyp, birneshe adamdy kepildikke alǵan. Polıtsııa 3 saǵattyq atystan keıin kúdiktini atyp óltirdi. Bılik bul qylmysty lańkestik áreket dep baǵalaǵan. Biraq jergilikti sıpattaǵy nemese halyqaralyq deńgeıdegi ekstremızm ekeni ázirge belgisiz. Tergeý isine AQSh-tyń Federaldyq barlaý bıýrosy da qosylǵan.