Q.Tileýshın «Damý» qorynyń basshysy bolyp taǵaıyndaldy

ASTANA. QazAqparat - «Báıterek» ulttyq basqarýshy holdınginiń enshiles uıymy «Damý» kásipkerlikti damytý qorynda Basqarma Tóraǵasy aýysty. Holdıngtiń 2016 jylǵy 1 aqpanda ótken Dırektorlar keńesiniń sheshimimen «Damý» qorynyń Basqarma Tóraǵasy laýazymyna Qanysh Tileýshın taǵaıyndaldy. Jańa taǵaıyndaýǵa deıin Q. Tileýshın «Báıterek» holdınginiń basqarýshy dırektory - basqarma múshesi qyzmetin atqarǵan bolatyn. Bul týraly holdıngtiń baspasóz qyzmetinen habarlandy.

Buǵan deıin «Damý» qoryn basqarǵan Lázzat Ibragımova «Báıterek» holdıngi Basqarma Tóraǵasynyń orynbasary qyzmetine aýysty.

Qanysh Tileýshın «Bolashaq» baǵdarlamasynyń túlegi. 2006 jyly Oksford ýnıversıtetin (Oksford, Ulybrıtanııa) úzdik támamdap, ınnovatsııalyq menedjmenttiń magıstri atanǵan. Sondaı-aq, qarjy jáne kredıt mamandyǵy boıynsha Eýrazııa ulttyq ýnıversıtetin bitirgen.

Ol eńbek jolyn 2004 jyly «Temirbank» AQ-da býhgalter mamandyǵynan bastady. Keıinnen sol bankte esepteý-kassalyq bólimniń basshysy bolyp taǵaıyndaldy. Ár jyldary «Ulttyq ǵylymı-tehnıkalyq aqparat ortalyǵy» AQ-da konsýltant, «Saýda saıasatyn damytý ortalyǵy» AQ-da bas sarapshy qyzmetterin atqardy. 2007 jyly QR Indýstrııa jáne saýda mınıstrliginde Innovatsııalyq saıasat basqarmasyn basqardy. 2008 - 2011 jyldary QR Prezıdentiniń Ákimshiliginde eńbek etti. 2011 jyly QR Indýstrııa jáne jańa tehnologııalar vıtse-mınıstri bolyp taǵaıyndaldy.

2013 jyldan bastap «Báıterek» holdınginiń basqarýshy dırektory - basqarma múshesi bolyp jumys istedi.

Ár jyldary Sıngapýr Ulttyq ýnıversıtetiniń Lı Kýan ıÝ atyndaǵy Memlekettik saıasat mektebimen birlesip, Nazarbaev ýnıversıtetiniń Joǵary memlekettik saıasat mektebinde «Memlekettik saıasat jáne basqarý» taqyryby boıynsha oqý men trenıngter, ıÝNIDO trenıngi, Avstrııada «Óńdeý ónerkásibiniń bolashaǵy» taqyryby boıynsha trenıng, «Ernst&Young» bıznes mektebiniń qarjylyq úlgileý, bıznesti baǵalaý, MVA, qarjylyq taldaý men ınvestıtsııalyq jobalardy baǵalaý taqyryptary boıynsha trenıngterden ótken.