Q. Saýdabaev elimizdegi shyǵarmashylyq jastardyń ókilderimen kezdesti
dep habarlaıdy QazAqparat.
Kezdesýde Q. Saýdabaev: «Bizdiń táýelsiz memleketimizdi qurýdaǵy Prezıdent Nursultan Nazarbaev strategııasynyń ereksheligi sonda - ol táýelsizdiktiń alǵashqy kúninen bastap eldegi kúrdeli ekonomıkalyq jaǵdaıǵa qaramastan rýhanı damý baǵytyna basa nazar aýdardy. Sonyń nátıjesinde búgingi kúni bizdiń mádenıetimiz, ádebıetimiz ben ónerimiz sizder sekildi laıyqty talanttardyń arqasynda qaryshtap damyp keledi. Shyǵarmashylyq jastarǵa barynsha qoldaý kórsetý aldaǵy ýaqytta da memleketimizdiń basym baǵyttarynyń biri bolyp qala beredi», dedi. Óz kezekterinde kezdesýge qatysqan ánshi, kompozıtor Birjan Hasanǵalıev, sýretshi Anna Petrakova, mýzykant Ámirjan Bısenǵalıeva, áýe gımnasshysy Dáýlet Dosbatyrov jáne aqyn-aýdarmashy Almas Temirbaevtar mádenıetimiz ben ónerimizdiń qazirgi jaǵdaıy men bolashaǵy týraly pikirlerin aıtyp, atalmysh salalarda qordalanyp qalǵan problemalardy sheshý úshin usynystaryn bildirdi. Kezdesý sońynda Q. Saýdabaev Mádenıet jáne aqparat, Bilim jáne ǵylym mınıstrlikteriniń basshylaryna, rýhanı salaǵa jaýap beretin basqa da memlekettik organdardyń ókilderine Elbasynyń elimizdiń mádenıeti men ónerin damytýdaǵy alǵa qoıǵan mindetterin oıdaǵydaı júzege asyrý jóninde naqty tapsyrmalar berdi.