K-POP jankúıerlerine arnalǵan onlaın konkýrs jarııalandy

NUR-SULTAN. QazAqparat – Koreıa Respýblıkasy Qazaqstandaǵy Elshiliginiń Koreı mádenı ortalyǵy «K-Pop Cover Dance Online Contest» atty onlaın rejımde bı konkýrsyn ótkizedi, dep habarlaıdy QazAqparat tilshisi.

Bul týraly Koreı mádenı ortalyǵynyń ókilderi málim etti. Mýzykaǵa áýes kez kelgen adam qatysa alatyn 23 tamyz ben 19 qyrkúıek arasynda ótetin baıqaýǵa mýzykaǵa áýes kez kelgen adam qatysa alady. Qatysýshylar ózderiniń bı qabiletterin kórsete alatyn bir K-POP ánin tańdap, osy ánniń bı oryndaý kaverin túsirip, jiberýi kerek. Ol úshin Koreı mádenı ortalyǵynyń saıtyna kirip, (https://kaz.korean-culture.org) ótinim úlgisin júktep alý qajet. Ári qaraı ótinimdi toltyryp, ony bıdiń kverimen birge ortalyqtyń elektrondyq poshtasyna([e-mail]) jiberý kerek. Ótinim qabyldaýdyń sońǵy kúni – 19 qyrkúıek.

Olardyń arasynan 10 úzdik kvaer iriktelip, onlaın daýys berýshiler men mamandardyń talqysyna túsedi. Jeńimpazǵa – beınekamera, 2 oryn ıegerine –planshet, 3 oryn alǵan ónerpazǵa – Bluetooth baǵanasy beriledi.

Atalmysh ortalyq 24 qyrkúıekte saǵat 18:30-da Koreıa týraly onlaın vıktorına ótkizýdi josparlap otyr. Vıktorınaǵa Qazaqstannyń 13 jáne odan joǵary jastaǵy kez kelgen azamaty qatysa alady. Fınaldyq týrda Úzdik nátıje kórsetken vıktorına jeńimpazdary Koreı mádenı ortalyǵynan syılyqtar alady. Birinshi orynǵa – Apple AirPods qulaqqaptary, ekinshi orynǵa – Hiaomy smart saǵaty jáne úshinshi orynǵa – JBL Bluetooth daýys zoraıtqyshy tigilip otyr.

«Koreıa týraly onlaın vıktorınanyń arqasynda qazaqstandyqtar Koreıa Respýblıkasynyń túrli aspektilerimen tanysyp, Koreıaǵa odan da kóbirek qyzyǵýshylyq tanyta alady dep senemin. Pandemııadan keıin biz bul is-sharany oflaın formatta ótkizsek dep otyrmyz. Onyń jeńimpazy Koreıa Respýblıkasynda ótkiziletin aqtyq synǵa Qazaqstan atynan qatysa alar edi», - deıdi Koreı mádenı ortalyǵynyń dırektory Lı Heran.