Q.Nurtas: Depýtat bolsam, ónerge qoldaý kórsetemin
«Qajet bolsa men oǵan (Májilis depýtaty bolýǵa - agenttik) daıynmyn. Negizi, qazir jastarǵa qoldaý bar, jastarǵa kómek berilip jatyr. Mine, osyndaı múmkindik berip otyr. Ózim talaı kesh berdim, Qazaqstannyń túpkir-túpkirin araladym, sondyqtan aýyldarda, aýdandarda ne bolyp jatqanyn óz kózimmen kórdim. Sol aýyldarda qanshama óner adamdardy, tanyla almaı júrgen azamattar bar, solardyń bárine qoldaý kórsetemin dep oılaımyn. Óner joly - meniń balalyq shaǵymdaǵy armanym. Men ónerdi eshqashan tastamaımyn. Ónerge janarshylyqpen qaraımyn. Men depýtat bolsam, óner jolyndaǵy baýyrlaryma, ónerge kómektesemin», - dedi sezd jumysy aıaqtalǵan soń ánshi.
Al sezd jumysynyń aldynda ol Májilis depýtaty atansa, óner men qazaq tiliniń máselesin kóterip, aýyldy damytýǵa kóńil bóletinin aıtqan edi. Sondaı-aq, «Saılaýdan ótip, depýtat atanyp jastam, sahnadan ketemin», - degen edi sezd jumysynyń aldynda Q.Nurtas.
Esterińizge sala keteıik, partııalyq tizim boıynsha belgili boksshy Gennadıı Golovkın men álem jáne olımpıada chempıondary Serik Sápıev, Ilıa Ilın endi. Sonymen qatar, elimizdiń tanymal ánshileri Qaırat Nurtas pen Janar Doǵalova, Aıman Musaqojaevalar ótti. Birqatar mınıstrler men ákimder, ulttyq kompanııa basshylary da partııalyq tizimge engen. Máselen, mınıstrler arasynda Arystan Muhamedıuly, Baqyt Sultanov, Úkimet basshysynyń orynbasary Darıǵa Nazarbaeva, QR Prezıdenti Ákimshiliginiń Basshysy Nurlan Nyǵmatýlınder de bar. Oblys ákimderi, solardyń ishinde Berdibek Saparbaev, Sergeı Kýlagın, Alık Aıdarbaev, Amandyq Batalov, Danıal Ahmetovter endi. Ulttyq sport túrleri qaýymdastyǵynyń prezıdenti Bekbolat Tileýhan, Ulttyq mýzeı dırektory Darhan Myńbaı, «Astana EKSPO-2017» UK prezıdenti Ahmetjan Esimov, akter Nurlan Álimjanov ta bul tizimniń ishinde bar bolyp shyqty.