K.Másimov Mońǵolııanyń Baıan Ólgeı aımaǵyndaǵy ólketaný murajaıyna bardy
Aımaqta mádenı sala jergilikti qazaq dıasporasynyń arqasynda damyp otyr - aımaqta qazaq drama teatry jumys isteıdi, jyl saıyn Naýryz merekesi keńinen atalyp ótip, búrkitshiler arasynda jarystar uıymdastyrylady.
Osyǵan oraı, ólketaný murajaıynyń ekspozıtsııalary da jergilikti turǵyndardyń turmys-tirshiligine arnalǵan. Murajaı 1948 jyly qurylǵan. Qazirgi kezde onyń qorlarynda 5200-den astam eksponat bar.
Murajaıdy aralaǵan K.Másimov mundaǵy ekspozıtsııalarmen tanysyp, onyń basshylyǵymen, jergilikti qazaq zııalylarynyń ókilderimen áńgimelesti.
Murajaıdyń aımaqtyń tabıǵatyna, tarıhy men etnografııasyna arnalǵan bólimderinde jergilikti qazaq dıasporasynyń qaıtalanbas óner úlgileri men eskertkishteri, onyń tarıhy týraly málimetter qoıylǵan.
Jyl saıyn murajaıǵa 10 myńnan astam turǵyndar men týrıster keledi.
Esterińizge salsaq, QR Premer-Mınıstri 15 shilde kúni Ulanbatyr qalasynda ótetin XI ASEM sammıtine qatysý úshin Mońǵolııaǵa keldi.