K.Másimov Qaraǵandydaǵy jańa turǵyn úı kesheniniń qurylysymen tanysty

ASTANA. QazAqparat - QR Premer-Mınıstri Kárim Másimov «Januıa» turǵyn úıi kesheniniń qurylysymen tanysty. Bul týraly Úkimet basshysynyń baspasóz qyzmetinen habarlady.

Turǵyn úı kesheni «Óńirlerdi damytý 2020» baǵdarlamasy aıasynda «Samuryq Qazyna» jyljymaıtyn múlik qory arqyly baspana» baǵyty boıynsha salynyp jatyr.

K.Másimovke oblystyq ákimdik ókilderi aıtqandaı, turǵyn úı qazaqstandyq óndiristiń ınnovatsııalyq panelderi arqyly salynýda.

Qurylys jobasy Saran qalasyndaǵy úı salý kombınatynyń qýattylyǵy júktemesi eskerile otyrylyp quryldy. Onda Qazaqstanda buryn shyǵarylmaǵan qurylys salasyna arnalǵan jańa ónimder paıdalanylmaq.

Qaraǵandy ákimi Nurlan Áýbákirov atap ótkendeı, atalǵan ónimdermen nysandardy salý qurylys merzimin 30-35% jáne eńbek shyǵynyn 30%  azaıtýǵa jol ashady. Atap ótý kerek, bul jumys sapasyna keri áser etpeıdi.

Sonymen qatar, jobada paıdalanylatyn tehnologııa turǵyn úı qurylysynyń 1 sharshy metriniń qunyn 20% qysqarta alady.