Q. Kósherbaev jańa páterge ıe bolǵan januıalardy quttyqtady

QYZYLORDA. QazAqparat - «Eń aldymen barshańyzdy canaýly kúnderden keıin tórimizge enetin Jańa jylmen shyn júrekten quttyqtaımyn. Ózderińiz de bilesizder, táýelsiz Qazaqstannyń qalyptasýynan bastap memlekettiń órkendeýi jolyndaǵy jumystardyń basym bóligi El Prezıdentiniń esimimen tikeleı baılanysty», - dedi oblys ákimi Qyrymbek Kósherbaev qonys toı ıelerin quttyqtaý sózinde.

Bıylǵy jyly oblys boıynsha turǵyn úı qurylysyna memleket qarjysy esebinen 7 mlrd. 981 mln. teńge bólinip, búgingi tańǵa 19 425 sharsh y metrdi quraıtyn turǵyn úı paıdalanýǵa berildi. Atap aıtqanda, 303 otbasy baspanaly bolyp, qonys toılaryn toılady.

Munan ári oblys basshysy: « Bir ǵana Qyzylorda qalasynda qurylys jumystarynyń kólemi jyldan jylǵa joǵary qarqynmen artyp keledi. Oblysta atqarylǵan jumystyń úshten biri qalanyń úlesine tıesili. Halyqty turǵyn úımen qamtamasyz etý maqsatynda búgingi tańda «Qoljetimdi turǵyn úı» baǵdarlamasyna sáıkes jalpy sany 24 turǵyn úıdiń (1096 páter) qurylysy júrgizilýde. Búgingi kúnge 10 kópqabatty turǵyn úı (466 páter) , Qyzyljarma aýylynda salynǵan eki páterlik 7 úı (14 páter) jalpy sany 17 úı (480 páter) paıdalanýǵa tapsyrylǵaly tur. Apattyq jaǵdaıdaǵy turǵyn úıdiń máselesin sheshý baǵytynda 60 páterlik turǵyn úıdiń qurylysy bastalyp ketti», - dedi.

Munan bólek ol, Qalada «Qazaqstan ıpotekalyq kompanııasymen» birlesip 230 páterdi quraıtyn 4 úı, «Samuryq-Qazyna» jyljymaıtyn múlik qory Aktsıonerlik qoǵamy arqyly 210 páterdi quraıtyn 6 turǵyn úıdiń qurylysy bastalǵanyn aıty. Bul óz kezeginde baspanaǵa muqtaj jandarǵa úlken qoldaý bolatyny anyq.

Búgingi tańda Qyzylorda qalasy kelbeti kelisken, sáýletiniń sán-saltanatymen maqtanýǵa turarlyq aldynǵy qatarly qalalardyń qatarynan kórinip keledi. Bul degenimiz kún ótken saıyn qyzylordalyqtardyń turmysynyń túzelip, ál-aýqatynyń artqandyǵyn kórsetedi.

«Turǵyn úı kezeginde turǵan azamattardyń qataryn azaıtý maqsatynda, oblys kóleminde tyndyrymdy ister men aýqymdy jobalar júzege asyrylýda. Búgin mine sol bastalǵan jumystyń nátıjesin kórip otyrmyz. Az ǵana merzim ishinde Sizderdi jańa baspanamen qamtý múmkindigi týyp otyr. Búgingi paıdalanýǵa berilip otyrǵan jalpy aýmaǵy 3,111 myń sharshy metr quraıtyn, 50 páterlik turǵyn úı elimizde memleket tarapynan turǵyndardyń ál-aýqatyn arttyrýǵa jasalyp jatqan qoldaýdyń naqty kórinisi dep bilemin. Jańa páter ıelerine qonystaryńyz qutty, shańyraqtaryńyz shattyqqa toly bolsyn degim keledi», - dedi Qyrymbek Kósherbaev sóz sońynda.