Q.Eleýsinov «Qazaqstan Oıl Prodakts» JShS jobalaryn baqylaý dırektory bolyp taǵaıyndaldy

ASTANA. QazAqparat - «QazMýnaıGaz - qaıta óńdeý jáne marketıng» AQ-y MÓZ jańǵyrtý jobalaryn basqarý departamentiniń dırektory - basqarýshy dırektor Eleýsinov Qadirberdi Tájimanovtiń «Qazaqstan Oıl Prodakts» JShS jobalaryn basqarý ınjınırıngi departamentiniń jobalardy baqylaý jónindegi dırektory laýazymyna taǵaıyndalǵany týraly habarlaıdy. Ol endi PKOP jańǵyrtý máselelerine jetekshilik etetin bolady.

Budan buryn habarlanǵandaı, jańǵyrtýdyń birinshi kezeńin iske asyrý PKOP-ta qýaty jylyna 600 myń tonna munaı ızomerııalaıtyn qondyrǵy salýdy kózdeıdi, bul joǵary oktandy benzın óńdeý jáne óndiriste zamanaýı tehnologııalardy qoldaný úrdisin jetildirý esebinen qorshaǵan ortaǵa áserin tómendetýge múmkindik beredi.

2016 jyly PKOP Keden odaǵynyń Tehnıkalyq reglamentiniń talaptaryna saı K4 jáne K5 tıisti ekologııalyq synybyna sáıkes keletin sapaly, qaýipsiz joǵary oktandy benzın óndirýge kóshýdi júzege asyrady. Ekinshi kezeń boıynsha PKOP jańǵyrtý JSQ-ǵa oń saraptama aldy. Kelisimshart jobasyn daıyndaý jumystary júrgizilýde.

Q. Eleýsinovtiń munaı-gaz salalsynda tájirıbesi mol. Ol qyzmetin 1977 jyly Shardara qurylys materıaldary kombınatynda ınjener-tehnolog bolyp bastady. «Mangyshlaknefttiń» kúrdeli qurylys basqarmasy bastyǵynyń orynbasary, «Mańǵystaýmunaıgaz» AAQ kúrdeli qurylys vıtse-prezıdenti jáne t.b basshylyq laýazymdarda qyzmet etti.

Q. Eleýsinov 1976 jyly Qazaq hımııalyq-tehnologııalyq ınstıtýtyn támamadady. «Qazaqstannyń qurmetti qurylysshysy» tós belgisimen marapattaldy.