Q.Dosmuhambetov «Samuryq-Qazyna» qorynyń basqarýshy dırektory laýazymyna taǵaıyndaldy
Esterińizge sala keteıik, Q.Dosmuhambetov osyǵan deıin Qarjy mınıstrliginiń Qazynashylyq komıtetin basqarǵan. Endi ol «Samuryq-Qazyna» ál-aýqat qorynyń Qarjy jáne qazynashylyq komıtetin jáne qarjy ınstıtýttaryn basqarý departamentterine jetekshilik etetin bolady.
Q.Dosmuhambetov 1973 jyldyń 22-shi jeltoqsanynda Almatyda týylǵan. Qazaq memlekettik basqarý akademııasyn «ekonomıst» mamandyǵy boıynsha bitirgen. Ekonomıka ǵylymynyń kandıdaty.
Ol eńbek jolyn 1994 jyly Qazaqstan Respýblıkasynyń Ultyq bankiniń Banktik baqylaý departamentiniń Banktik emes qarjy mekemelerin lıtsenzııalaý bóliminiń jetekshi ekonomısi qyzmetinen bastaǵan. Budan soń ol Ulttyq banktiń Lıtsenzııalaýdy basqarý basqarmasynyń lıtsenzııa bóliminiń bas ekonomısi, Ádisteme bóliminiń bastyǵy, Banktik baqylaý departamenti bastyǵynyń orynbasary, Úılestirý basqarmasynyń bastyǵy, Qarjylyq baqylaý departamenti bastyǵynyń orynbasary qyzmetterin atqarǵan.
2004-2006 jyldar aralyǵynda Qarjylyq naryǵy men qarjy uıymdaryn basqarý agenttiginiń tóraǵasy laýazymynda boldy. Odan soń, ıaǵnı 2006-2009 jyldary qarjy uıymdarynda túrli basshylyq qyzmetterdi atqaryp, «QazAgro» ulttyq holdıngi» aktsıonerlik qoǵamynyń basqarma tóraǵasynyń orynbasary qyzmetin atqardy. 2009-2012 jyldary Qarjy mınıstrliginiń Qazynashylyq komıtetin basqardy. «Qazaqstan Konstıtýtsııasyna 10 jyl», «Qazaqstan Respýblıkasyna 20 jyl» medaldarynyń ıegeri. Premer-Mınıstrdiń alǵys hattarynyń ıegeri.