Q.Bozymbaev Qashaǵannan kúzde munaı óndire bastaý jaýapkershiligin óz moınyna alady
BAQ ókilderiniń «Qashaǵan munaı óndirý qazan aıynan keshiktirilse kim jaýapty bolmaq?», degen saýalyna jaýap bergen ol: «Biz jaýapty bolamyz, ınvestorlar jaýapty bolady. Óıtkeni bizde ınvestorlarmen kelisimsharttar bar. Onda ekijaqty jaýapkershilik qarastyrylǵan. Maǵan Premer-Mınıstr tikeleı tapsyrma berdi. Naqty jaýapkershilikti óz moınyma alamyn», - dedi.
Aıta keterligi, osy aptada ótken Úkimet otyrysynda QR Premer-Mınıstri Kárim Másimov aǵymdaǵy jyldyń qazanynda «Qashaǵanda» munaı óndirýdi bastaýdy qamtamasyz etýdi tapsyrǵan bolatyn.
«Osynyń aınalasynda barlyq qajetti kelissózder júrgizilip, tıisti normatıvtik sheshimder qabyldandy. Sondyqtan «Qashaǵan» iske qosylýy úshin sizder konsortsıýmmen birlese osy jumystardy aıaǵyna deıin jetkizýlerińiz kerek», - degen edi Úkimet basshysy QR Energetıka mınıstrine.