Q.Bıshimbaev: Shildede elektr energııasyna shekti tarıfterdi tómendetý máselesi qaralady

ASTANA. QazAqparat - Aǵymdaǵy jyldyń shildesinde elektr energııasyna shekti tarıfterdi tómendetý máselesi qaralady. Bul týraly búgin Úkimettiń selektorlyq rejimdegi otyrysynda QR Ulttyq ekonomıka mınıstri Qýandyq Bıshimbaev málim etti.

«Inflıatsııany tómendetý jáne ónerkásiptik kásiporyndardy qoldaý, sondaı-aq eldiń iri elektr stansalarynyń tolyq jumys isteýin qamtamasyz etý maqsatynda elektr energııasyna shekti tarıfterdi tómendetý  jónindegi másele aǵymdaǵy jylǵy 15 shildege deıin qaralatyn bolady. «SSKBÓB» AQ-nyń temir keni shıkizatyn Qytaı men Reseıge jetkizýdi ulǵaıtý boıynsha sharalar qabyldanady. Onyń ishinde magıstraldyq temirjol jelisiniń kórsetiletin qyzmetterine  tarıfterdi ýaqytsha tómendetý koeffıtsıentin usynylady. Ol 2016 jyly temir keni shıkizatyn jetkizýdi 6,4 mln. tonnadan 6,7 tonnaǵa deıin ulǵaıtýǵa múmkindik beredi», - dedi Q.Bıshimbaev.

Mınıstrdiń aıtýynsha, jalpy óńdeý ónerkásibinde ósýdi yntalandyrý úshin magıstraldyq temirjol jelisi jáne elektr energııasy qyzmetterine tarıfterdi ýaqytsha tómendetý koeffıtsıentin, jeńildikti shartpen aınalym kapıtalyn, lızıngtik qarjylandyrýdy jáne eksporttyq/eksportaldy kredıtteýdi usyný jónindegi, sondaı-aq syrtqy saýdany retteý sharalary qabyldanatyn bolady.

«Sonymen birge, aǵymdaǵy jylǵy maýsymnyń sońyna deıin óńirlerdiń ákimderi otandyq kásiporyndardyń tolyq jumys isteýin qamtamasyz etý, shaǵyn jáne orta bıznesti qoldaý, jumyspen qamtýdy saqtaý boıynsha tıisti qosymsha sharalar qabyldaıdy», - dep qosty mınıstr.