JP Morgan 2017 jyly Brent munaıynyń baǵasy 20% -ǵa ósedi dep boljaýda

ASTANA. QazAqparat - Munaı naryǵynda suranys pen usynystyń balansyn eleýli qalpyna keltirý 2017 jyly baǵa ósimin qoldaýǵa yqpal etedi, dep sanaıdy amerıkalyq JP Morgan bankiniń sarapshylary, dep habarlady Trend.

Trend-te jarııalanǵan taldaýshylar boljamynsha, 2016 jyly Brent munaıynyń soltústik teńizdik surypyna ortasha baǵa barreline 45,6 dollardy, al amerıkalyq WTI munaıyna barreline  44,66 dollardy quraýy múmkin. 2017 jyly munaıdyń eki surypy da barreline 55 dollar deńgeıinde bolady dep boljanýda.

Álemdik naryqta munaıǵa baǵa álemdik valıýtaǵa qaraǵanda, amerıkalyq valıýtanyń arzandaýy jáne Ulybrıtanııanyń EO-daǵy músheligin  saqtaý boljamynyń aıasynda ósý ústinde.

Tańerteń Brent-ke tamyzdyq fıýcherster quny  bir paıyzǵa - barreline 49,66 dollarǵa deıin ósti. WTI-ǵa tamyzdyq fıýcherster baǵasy 1,26 paıyzǵa - barreline 49,17 dollarǵa deıin artty.

Halyqaralyq energetıkalyq agenttiktiń sońǵy boljamyna sáıkes bıyl munaıǵa álemdik suranys táýligine 96,1 mıllıon barrelge deıin táýligine 1,3 mıllıon barrel, al 2017 jyly táýligine 97,4 mıllıon barrelge deıin ósedi.