Jibek Joly jýrnalısi AMANAT júldesin jeńip aldy

<p>ASTANA. KAZINFORM &ndash; Jibek Joly telearnasynyń júrgizýshisi Aıgúl Múkeı jýrnalıster arasynda uıymdastyrylǵan respýblıkalyq &laquo;AMANAT&raquo; syılyǵyn jeńip aldy. Baıqaý jeńimpazdaryn marapattaý rásimi búgin Buqaralyq aqparat quraldary kúni merekesi qarsańynda Astanada ótti. Jýrnalısterge marapatty Amanat partııasynyń tóraǵasy Erlan Qoshanov tabystady.</p>

«AMANAT» partııasy jýrnalıster arasyndaǵy respýblıkalyq baıqaýdy 15 jyl qatarynan uıymdastyryp keledi. Bıyl baıqaýǵa shamamen 200 adamnan 1500-ge jýyq eńbek kelip tústi. Olardyń kópshiligi óńirlik buqaralyq aqparat quraldarynan kelgen. Partııanyń baspasóz qyzmetiniń habarlaýynsha, bıyl kelip túsken barlyq eńbekterdiń 30% «Biz birgemiz» sý tasqynymen kúres týraly» atalymyna joldanǵan.

«AMANAT» partııasynyń spıkeri Erlan Qoshanov syılyq ıegerleri men buqaralyq aqparat quraldarynyń ókilderin kele jatqan kásibı merekelerimen quttyqtady.

Foto: Álı Ǵalym, Asylhan Seıdahmet

«Jýrnalıster – memleket pen qoǵamnyń arasyndaǵy altyn kópir. Sizder eldiń damý baǵdaryn, Memleket basshysynyń reformalaryn, oń ózgeristerdi halyqqa jetkizýde sheshýshi rol atqaryp kelesizder. Prezıdent aıtqandaı, tek myqty, kásibı jáne derbes mass-medıa ǵana shynaıy ıdeologııalyq egemendigimizdi qamtamasyz ete alady. Kúni keshe onyń tapsyrmasy boıynsha ázirlengen «Mass-medıa týraly» Zańǵa qol qoıyldy. Bul qujat jýrnalıster quqyǵynyń qorǵalýyn kúsheıtip, otandyq medıa salany damytýǵa tyń múmkindikter beredi», – dedi ol.

Qazirgi ýaqytta Aıgúl Múkeı – Jibek Joly telearnasyndaǵy «Jańa ýaqyt» aqparattyq-taldaý baǵdarlamasynyń júrgizýshisi. Kórermenderdi elde jáne álemde bolyp jatqan negizgi oqıǵalar týraly habardar etedi.

Foto: Álı Ǵalym, Asylhan Seıdahmet

Sonymen birge, A. Múkeı «Ozger» baǵdarlamasyn júrgizedi, onda ómirlik qıyn jaǵdaıǵa tap bolǵan keıipkerlerge kómek kórsetedi, olardyń ımıdjin ózgertip, jarqyn, belsendi bolýyna septigin tıgizedi.

«Amanat — 2024 medıa syılyǵyn» tabystaý rásiminde Aıgúl QR Prezıdentiniń teleradıokorporatsııasyna shyǵarmashylyqqa jańasha kózqaraspen tanylýǵa múmkindik bergeni úshin erekshe alǵys bildirdi jáne óziniń ustazy Kamal Smaıylov bolǵanyn atap ótti.

Aıta keteıik, «AMANAT medıa syılyǵy» BAQ janrlary boıynsha emes, taqyryptyq baǵyttar boıynsha usynylǵan úzdik jumystarǵa beriledi. Baıqaý jeńimpazdary 10 nomınatsııa boıynsha anyqtalady.

1) «Elimizdegi reformalar týraly úzdik materıal»  - «Qazaqstan» telearnasyndaǵy «Apta» baǵdarlamasynyń jetekshisi ári júrgizýshisi Jaına Slambek;

2) «Adal azamat» týraly úzdik materıal» - «24 KZ» telearnasyndaǵy «Arnaıy joba» baǵdarlamasynyń avtory ári júrgizýshisi Aıǵanym Dostanbaı;;

3) «Jastar týraly úzdik materıal» «Aikyn.kz» saıtynyń redaktor-jýrnalısi Altynbek Mersadyq;

4) «Aımaq týraly eń úzdik materıal» - «Indýstrıalnaıa Karaganda» gazeti dırektorynyń orynbasary-bas redaktor Oksana Mıagkıh;

5) «Partııa jumysy týraly úzdik materıal» - «Lıter» gazetiniń tilshisi Mergýl Djılkıshınova;;

6) «Alash» qozǵalysy týraly úzdik materıal» - «Caspian News» telearnasyndaǵy taqyryptyq baǵdarlamalar bóliminiń shef-redaktory Aıdos Qarabala;;

7) «Biz birgemiz» — sý tasqynymen kúres týraly úzdik materıal» - «Qazaq radıolary» aqparattyq-saraptaý qyzmetiniń redaktory Azamat Tilepov;

8) Sherhan Murtaza jáne Kamal Smaıylov atyndaǵy «Televızııa úzdigi» syılyǵy - jýrnalıst ári telejúrgizýshi Aıgúl Múkeı;;

9) «Belsendi azamattyq ustanymy úshin» syılyǵy - «Mangystau» telearnasynyń redaktory ári júrgizýshi Shynar Jumasat;

10) Qanysh Sátbaev atyndaǵy «Ǵylym álemi» syılyǵy - «Qazaqstan» telearnasynyń arnaıy tilshisi Azamat Nuǵymanov.