Jibek Joly. Jańa baǵyt
«Jibek Joly» komandasy óziniń alǵashqy telemaýsymynda álemdik saıası jáne dinı kóshbasshylardyń saparynan ondaǵan tikeleı efır taratty. LIVE rejıminde shet memleketter prezıdentteriniń Qazaqstanǵa memlekettik saparlary men mańyzdy halyqaralyq forýmdar kórsetilip, saılaý naýqanyna baılanysty telemarafondar ótkizildi. Sondaı-aq 2023 jyldyń kókteminde robot kameraly jańa tehnologııalyq jańalyqtar stýdııasy jáne Májilis pen Úkimettegi mobıldi stýdııalardyń tikeleı efırdegi jumysy iske qosyldy.
«Osy ýaqytqa deıin bizdiń jańalyqtar qyzmetindegi áriptesterimiz elimizdiń jáne álemniń túkpir-túkpirinen 9 000-nan astam materıaldy efırge shyǵardy. «Jibek Joly» tilshileri eldegi tótenshe jaǵdaılar kezinde jumys istedi, Túrkııadaǵy jer silkinisiniń saldaryn joıý isin úzdiksiz jarııalap otyrdy. Bul rette olar óz jumysyn sapaly ári jedel atqardy», – dep atap ótti «Jibek Joly» telearnasynyń dırektory Erkejan Kúntýǵanqyzy.
Praım-taım habar taratýdyń birinshi jylynda «Jibek Joly» tanymal medıa-tulǵalar – Nurlan Qoıanbaev, Láıla Sultanqyzy, Sandı Sultan, Beıbit Álibekov, Maııa Bekbaeva, ımam Nurlan Baıjigituly qatysqan 16 jańa telejobamen nyǵaıa tústi. Sondaı-aq, Erbolat Muhamedjannyń «JJ Talk» jáne Ǵazız Ábishevtiń «Fokýs vnımanııa» syndy qoǵamdyq-saıası jobalary da sátti júzege asty.
Qazaqstandyq kórermen úshin jetistik draıverleri – arnanyń tanymal áleýmettik jobalary: «Sheteldegi qazaq balalary», Láılá Sultanqyzynyń «Ana bolǵym keledi» atty avtorlyq baǵdarlamasy boldy.
Mýzykalyq arnaıy jobalar aıasynda «Jibek Joly» kóptegen festıvaldiń bas medıa seriktesine aınaldy. Qazaqstandyq kórermender qaıta oralǵan «Azııa Daýysy» baıqaýynyń telemarafonyn biz arqyly qaıta kórdi. «The Spirit of Astana» halyqaralyq etnıkalyq mýzyka festıvali Silk way arnasynyń kórermenderine usynylýda. Sondaı-aq, elimizdiń 5 óńirinde osy jazǵy maýsymda arnaıy jobalar ótkizildi.
Іshki óndiristiń derekti jobalary da sátti shyqty. Ol «Nasha ıstorııa» toptamasy jáne bilim, ǵylym, ekologııa, densaýlyq saqtaý, aımaqtardy damytýǵa jáne ulttyq qundylyqtarǵa arnalǵan derekti fılmder. Bizdiń derekti kıno ortalyǵynyń jumystary halyqaralyq marapattarǵa ıe boldy, efırde jáne áleýmettik jelilerde qaralym kórsetkishi boıynsha kósh bastady.
Jańa maýsymda Prezıdenttiń TRK qurylymynda birden úsh medıa-resýrs jumysyn bastaıdy. Olar otbasylyq arna «Jibek Joly», álemniń 100-den astam elinde aýdıtorııasy bar spýtnıktik arna «Silk Way» jáne spýtnıktik kınoarna «Silk Way Cinema».
«Qazaqstan Respýblıkasy Prezıdentiniń teleradıokesheni» - Qazaqstannyń tolyq óndiristik tsıklindegi iri medıa-kompanııanyń biri. Qazirgi ýaqytta holdıngtiń quramyna birneshe iri medıa-aktıvter kiredi: «QazAqparat» Halyqaralyq aqparat agenttigi, «Jibek Joly» jáne «Silk Way» telearnalary, «Silk Way Cinema» kınoarnasy, Derekti kıno ortalyǵy.
Birinshi ulttyq spýtnıktik telearna «Jibek Joly» arnasy 2022 jyldyń 1 qyrkúıeginde iske qosyldy. HotBird 13B, Galaxy 19, Yamal 401 90° (FSU), Türksat 3A, KazSat 3 (Qazaqstan) jáne MEASAT 3A spýtnıkteri arqyly jańartylǵan «Silk Way» brendimen telearna álemniń 118 eliniń kórermenderi úshin 5 tildik nusqada – qazaq, orys, aǵylshyn, ózbek, qyrǵyz tilderinde qoljetimdi.
«Jibek Joly» ulttyq telearnasy men onyń «Silk Way» spýtnıktik nusqasynyń jıyntyq aýdıtorııasynyń álem boıynsha kórermeni 300 mıllıonnan asty.