Jibek Joly týrıstik poıyzy Túrkistanǵa keldi

<p>ASTANA. KAZINFORM &ndash; Týrızm ındýstrııasy komıtetiniń tóraǵasy Nurtas Káripbaev Túrkistan oblysyna jasaǵan sapary barysynda Jibek Joly týrıstik poıyzymen alǵashqy saparǵa shyqqan saıahatshylardy qarsy aldy. Bul týraly Týrızm jáne sport mınıstrligi habarlady.&nbsp;</p>

Týrızmdi damytý men mádenı almasý maqsatynda qolǵa alynǵan jańa marshrýt 115 saıahatshyny qabyldady. Alǵashqy reıstiń jolaýshylary Túrkistanda bir kún, Ózbekstan astanasy Tashkentte eki kún ótkizedi. Týrısterge yńǵaıly bolý úshin kásibı gıdtermen ekskýrsııa uıymdastyrylyp, jaıly avtobýstar usynyldy.

Jibek Joly týrıstik poıyzy Memleket basshysy Qasym-Jomart Toqaevtyń tapsyrmasymen, týrızmdi damytý strategııasy aıasynda iske asyrylǵanyn atap ótken jón. Joba jańa baǵyttardy ashýǵa, eki el arasyndaǵy mádenı baılanystardy nyǵaıtýǵa jáne azamattar úshin saıahattyń qoljetimdiligin arttyrýǵa baǵyttalǵan.

Eske sala keteıik, buǵan deıin Almaty stantsııasynan Jibek Joly týrıstik poıyzy saparyn bastaǵanyn habarlaǵan edik.