Jibek Joly telearnasy 7 tilde habar taratýdy josparlap otyr

ASTANA. QazAqparat – QR Prezıdenti Teleradıokesheni medıaholdınginiń atqarýshy dırektory Robert Mýradıan Jibek Joly telearnasynyń syrtqy habar taratý jelisi týraly baıandady, dep habarlaıdy QazAqparat tilshisi.

«Bizdiń telearnanyń saıtyndaǵy «habar taratý» bóliminde kórermenderge arnalǵan eki tereze bar – bul qazaqstandyq kórermenderge arnalǵan Jibek Joly jáne sheteldegi kórermenderge arnalǵan Jibek Joly. Bul bir-birimen qıylyspaıtyn ártúrli eki efır. Osyǵan baılanysty, biz Qazaqstanda alatyn ólshem derekteri sheteldik kórermenderge arnalǵan efırdiń «programmıngine» áser etpeıdi», - dedi Robert Mýrodıan Astana Media Week paneldik sessııasynda.

Onyń aıtýynsha, telearna qosymsha birneshe til jolaqtaryn qosýdy josparlap otyrmyz.

«Búgin de Ortalyq Azııa ónimin jasaý týraly kóp aıttyq jáne bizdiń pikirimizshe mundaı ónim Qazaqstanda bar. Ol CaspioNet-ten Jibek joly-na deıingi uzaq evolıýtsııalyq kezeńnen ótti. Qazir telearna bes tilde – qazaq, aǵylshyn, orys, qyrǵyz jáne ózbek tilderinde habar taratady. Bul joba ortalyqazııalyq Euronews bolýdy kózdep otyr. Sonymen qatar «Túrki álemi» dep atalatyn úlken aımaq bar. Qazir bizge jetispeıtin nárse – túrik jáne ázerbaıjan tilderindegi eki tildik jolaq, rasynda da bul jumysty josparlap, júzege asyrǵymyz keledi. Biz Ortalyq Azııadan, túrkitildes memleketterden barlyq BAQ ókilderin osy jobany bizben birge damytýǵa shaqyramyz», - dedi R. Mýrodıan.

Aıta keteıik, Astana Media Week 26-28 qazan kúnderi ótedi. Onda 150 otandyq jáne halyqaralyq spıkerlerdiń qatysýymen 30-dan astam is-shara ótedi.