«Jibek Joly» telearnasyna – 2 jyl

<p>ASTANA. KAZINFORM &ndash; 2022 jyldyń 1 qyrkúıeginde efırge shyqqan &laquo;Jibek Joly&raquo; telearnasy az ýaqyttyń ishinde kósh bastaǵan otandyq arnalardyń qatarynan tabyldy.</p>

«Jibek Joly» ujymy óziniń alǵashqy telemaýsymynda álemdik saıası jáne dinı kóshbasshylardyń saparynan ondaǵan tikeleı efır taratty. LIVE rejıminde shet memleketter prezıdentteriniń Qazaqstanǵa memlekettik saparlary men mańyzdy halyqaralyq forýmdar kórsetilip, saılaý naýqanyna baılanysty telemarafondar ótkizildi.

Sondaı-aq 2023 jyldyń kókteminde robot kameraly jańa tehnologııalyq jańalyqtar stýdııasy jáne Májilis pen Úkimettegi mobıldi stýdııalardyń tikeleı efırdegi jumysy iske qosyldy.

Bıyl Parıj Olımpıadasynan tikeleı efır taratyp, kórermenderge sapaly dúnıe usyna bildi. Bul — telearna tarıhyndaǵy tuńǵysh iri sporttyq doda ekenin atap ótken jón.

«Ujymda tájirıbeli ári bilikti mamandar qyzmet edi. Sáıkesinshe, kórermenderge sapaly dúnıe usynylyp keledi. Aldaǵy ýaqytta kórermenderge tyń jobalar jol tartatyn bolady», – dedi «Jibek Joly» telearnasynyń dırektory Erkejan Kúntýǵanqyzy.

Aıta keteıik, praım-taım habar taratýdyń birinshi jylynda «Jibek Joly» tanymal medıa-tulǵalar – Nurlan Qoıanbaev, Láılá Sultanqyzy, Sandı Sultan, Beıbit Álibekov, Maııa Bekbaeva, ımam Nurlan Baıjigituly qatysqan 16 jańa telejobamen nyǵaıa túsken bolatyn.

Qazaqstandyq kórermen úshin jetistik draıverleri – arnanyń tanymal áleýmettik jobalary: «Sheteldegi qazaq balalary», Láılá Sultanqyzynyń «Ana bolǵym keledi» atty avtorlyq baǵdarlamasy boldy.

Esterińizge salsaq,«Jibek Joly» telearnasy Qazaqstan Respýblıkasy Prezıdentiniń teleradıokesheni medıa-kompanııanyń quramynda.