Jibek Joly arnasyn halyqaralyq telearna retinde damytýdy josparlap otyrmyz - mınıstr

ASTANA. QazAqparat – Ortalyq Azııa elderinde Qazaqstannyń telearnalaryna suranys bar. Bul týraly QR Aqparat jáne qoǵamdyq damý mınıstri Darhan Qydyráli aıtty, dep habarlaıdy QazAqparat tilshisi.

«Ortalyq Azııa elderinde Qazaqstan, «Habar», Jibek Joly telearnalaryn kóp qaraıdy. Sonymen qatar, bul baǵytta Ázerbaıjanmen arada túrli memorandýmdarǵa qol qoıdyq. Qyrǵyzstan men Ózbekstanda bizdiń telearnalar kórsetiledi», - dedi Darhan Qydyráli Senatta «Buqaralyq aqparat quraldary men áleýmettik jelilerdiń memlekettik ıdeologııany qalyptastyrýdaǵy orny» taqyrybynda ótken jıynda.

Osy oraıda mınıstr qazaq dıasporasy kóp turatyn Mońǵolııada jáne basqa da elderde otandyq telearnalardyń kórsetilýin keńeıtý josparlanyp otyrǵanyn aıtty.

«Atap aıtqanda, Jibek Joly telearnalaryn halyqaralyq arna retinde damytýdy josparlap otyrmyz», - dedi Darhan Qydyráli.

Budan buryn habarlanǵandaı, mınıstr Senattaǵy jıynda otandyq serıaldarǵa ishki naryqta jáne halyqaralyq deńgeıde úlken suranys bar ekenin aıtty.