Jibek Joly arnasyndaǵy «100 Sarbaz» jobasynyń jeńimpazdary anyqtaldy
Áskerı salaǵa arnalǵan alǵashqy aýqymdy ári biregeı joba — «100 Sarbaz» aıaqtaldy. Jarystyń fınaly áserli teketireske toly boldy.Qatysýshylar jaýyngerlik daıyndyq elementteri bar kedergilerdi eńserýge baryn saldy.
Sarbazdar bıik qabyrǵanyń ústine shyǵyp, qashyqtyqqa jyldamdyqpen júgirdi, qurylymdardyń astyna kirip, munaraǵa kóterildi. Olar tapsyrmany tez ári sapaly oryndady.
Tartysty básekede QR Qarýly kúshteri arnaıy operatsııalar kúshteriniń komandasy taktıkalyq sheberlik pen fızıkalyq daıyndyqtaryn joǵary dárejede kórsetip, barlyq qarsylastaryn artta qaldyryp, jeńiske jetti.
— Bizdiń komanda jeńiske jetti. Bizdi osyndaı baǵdarlamaǵa qatysýǵa shaqyrǵan Jibek Joly telearnasyna, uıymdastyrýshylarǵa alǵys aıtamyn. Olar bizge, meniń jigitterime senim artty, — Komanda kapıtany Semser Mahabyl.
Іshki ister mınıstrliginiń komandasy uıymshyldyq pen tabandylyq tanytyp, ekinshi oryndy ıelendi. Úshinshi oryn Qurlyq áskeriniń komandasyna buıyrdy.
Jobanyń maqsaty — jaýyngerlerdiń adamı portretin kórsetý. Áskerı qyzmetkerlerdiń eń jaqsy qasıetterin — batyldyǵyn, jigeri men erjúrektiligin pash etý.100 Sarbaz — namys jobasy. Oǵan áýe qorǵanysy kúshteri, qurlyq áskerleri, Ulttyq ulan sııaqty on komanda qatysty.
— Aıta ketý kerek, mundaı realıtı-shoý Qazaqstanda alǵash ret túsirilip jatyr, ásirese quqyq qorǵaý organdarynyń qatysýymen bul 10 adamnan turatyn 10 komanda. Árıne, óz qaýipteri, óz qıynshylyqtary boldy. Joba barysynda qatysýshylar ózderiniń tek bilek kúshin ǵana emes, eń qıyn synaqtarǵa tótep bere alatyndaryn da kórsetti, — áskerı- patrıottyq realıtı jobasynyń júrgizýshisi Berik Aıtjanov.
Osyǵan deıin «100 Sarbaz» — qazaq televızııasyndaǵy ásker salasyna arnalǵan alǵashqy aýqymdy biregeı joba ekeni týraly jazǵan edik.