Jas Otan oqýshylarǵa keńse taýaryn alatyn sertıfıkattar syılady
Atalǵan aktsııa Qazaqstannyń barlyq óńirlerinde ótip jatyr.
«Mektepke jol» - kópbalaly jáne turmysy tómen otbasyndaǵy jáne ata-ananyń qamqorlyǵynsyz qalǵan balalardy oqý jylyna daıyndaý boıynsha jyl saıyn ótetin respýblıkalyq aktsııa. Jasotandyqtar osy aktsııaǵa jyl saıyn belsendi qatysady. Qazirgi ýaqytta aktsııany bizdiń belsendiler Shyǵys Qazaqstan, Aqmola, Qyzylorda, Qostanaı, Batys Qazaqstan, Túrkistan oblystarynda ótkizip jatyr. Búginnen bastap basqa óńirler de qosylady», - dedi «Jas Otan» Jastar qanatynyń jetekshisi Elnur Beısenbaev.
Óz kezeginde ata-analar jasotandyqtarǵa kóńil bólip, qoldaý kórsetkenderi úshin alǵysyn bildirdi.
«Nur Otan» partııasyna jáne «Jas Otan» Jastar qanatyna únemi qoldaý kórsetkeni úshin alǵysymdy bildiremin. Tótenshe jaǵdaı kezinde bizge azyq-túlik sebetteri túrinde de kómek kórsetildi. Bizdiń belsendi jastarymyzǵa taǵy da alǵys aıtqym keledi», - dedi kópbalaly ana Nurzııa Qurbanova.
Balalar men jas otbasylar árqashan jastar qanatynyń erekshe yqylasy men qamqorlyǵyna ıe. Osyǵan baılanysty Elnur Beısenbaev jastar arasynda talqylanyp jatqan 2025 jylǵa deıingi «Jastar-Otanǵa!» baǵdarlamasyna toqtaldy.
«Biz úshin «Nur Otan» partııasynyń Jastar qanaty retinde óskeleń urpaqqa qoldaý kórsetý óte mańyzdy. Kishkentaı balalarǵa otbasylyq qundylyqtardy boıyna sińirip, tárbıeleý – bizdiń basty mindetimiz. Sondyqtan jas otbasylardyń ómirin jaqsartý jónindegi mindetter bizdiń «Jastar-Otanǵa!» baǵdarlamamyzda kórinis tapty», - dedi ol.
Aıta keteıik, sertıfıkattar elordanyń 20 oqýshysyna tabystaldy. Atalǵan aktsııaǵa aýdandyq jasotandyqtar da atsalysýda.