«Jas Otan» mektep jáne kolledj túlekterine bilim granttaryn tabystady
«Nur Otan» partııasy Almaty qalalyq fılıalynyń baspasóz qyzmetinen málim etkendeı, túlekter granttyq negizde 5 JOO-da jáne Almaty qalasynyń 1 memlekettik kolledjinde oqıdy. Sertıfıkat ıegerleri – kópbalaly, az qamtylǵan, tolyq emes otbasynan shyqqandar jáne qoǵamdyq is-sharalarǵa qatysatyn, volonterlikpen aınalysatyn belsendiler.
Áleýmettik seriktestik negizinde Qazaq memlekettik qyzdar pedagogıka ýnıversıteti, Qazaq ulttyq agrarlyq ýnıversıteti, «Turan» ýnıversıteti, Halyqaralyq aqparattyq tehnologııalar ýnıversıteti, Nur-Múbarak Egıpet ıslam mádenıeti ýnıversıteti jáne Almaty memlekettik jańa tehnologııalar kolledji qoldaý kórsetti. Aıta ketý kerek, bul bastamany «Jas Otan» jastar qanatynyń qalalyq fılıaly alǵash ret ótkizip otyr.
«Halyqaralyq jastar kúni jáne «Jas Otan» jastar qanatynyń 20 jyldyǵy qarsańynda bolashaq stýdentterge áleýmettik qoldaý kórsetýge sheshim qabyldadyq. Árbir grant ıegerin tańdaý týraly sheshimdi arnaıy qurylǵan komıssııa qabyldap, krıterıılerge sáıkesterin tańdady. Grantty 6 túlek aldy. Aldaǵy ýaqytta basqa JOO joǵaryda atalǵandar úlgi negizinde jastarǵa áleýmettik qoldaý kórsetedi dep úmittenemiz», - dedi «Jas Otan» jastar qanatynyń tóraǵasy Mádı Ahmetov.
Grant ıegerleriniń qatarynda jasotandyq erikti Álibek Meıilhanovta bar. Ol «Jas Otan»-ǵa alǵysyn bildirip, bolashaqta óz bilimin el ıgiligi úshin jumsaıtynyn aıtty.