AQSh Qorǵanys mınıstri de Izraılge baratyn boldy

<p>Juma kúni AQSh Memlekettik hatshysy Entonı Blınken kelgennen keıin Izraılge AQSh-tyń Qorǵanys mınıstri Lloıd Ostın de barmaq. Bul týraly <a href="https://kaz.inform.kz/" target="_blank" rel="noopener">Kazinform</a> <a href="https://www.bbc.com/russian/live/news-67038676" target="_blank" rel="noopener">BBC</a> agenttigine silteme jasap habarlaıdy.</p>

Bul aqparatty AQSh Qorǵanys mınıstrliginiń ókili anonımdi túrde jetkizgen. ıAǵnı mınıstr Izraıl premeri Bınıamın Netanıahýmen jáne jaqynda ǵana qurylǵan Ulttyq birlik úkimetiniń múshelerimen kezdesip, soǵys jospary men olardyń kózdegen maqsatyn talqylamaq.

Osy aptada NATO elderi mınıstrlerimen kezdesýden soń Lloıd Ostın Vashıngtonnyń HAMAS-pen kúres úshin bergen qarýlardy qoldanýda Izraıldiń múmkindikterin shektemeıtinin jetkizdi.

AQSh Izraılge oq-dáriler, naqtyraq aıtqanda, «Temir kúmbez» áýe qorǵanys júıesine qajetti zymyrandar jiberdi. AQSh jibergen oq-dáriler tıelgen ushaq Izraılge eki kún buryn kelgen.