Izraıldiń Úndistandaǵy elshiligi mańynda jarylys boldy

<p>Seısenbi kúni Nıý-Delıde ornalasqan Izraıl elshigi ǵımaratynyń mańynda jarylys boldy. Izraıl qaýipsizdik qyzmeti men úndistandyq polıtsııa mán-jaǵdaıdy birlesip anyqtaýǵa kiristi.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://www.timesofisrael.com/blast-rattles-israeli-embassy-in-india-abusive-letter-to-envoy-said-found-nearby/" target="_blank" rel="noopener">The Times of Israel</a>-ge silteme jasap habarlaıdy.</p>

Oqıǵa saldarynan qaza bolǵandar men zardap shekkender joq. 

Úndistandyq BAQ-tyń aqparatyna súıensek, jarylys bolǵan jerden jaqyn mańda Izraıl elshisine arnalǵan hat tabyldy. Indian Express gazetiniń jazýynsha, hat kompıýterde terilgen jáne qorlaý mátininde jazylǵan. Qosymsha basqa aqparat berilmedi. 

Tergeýshiler jarylys pen hattyń arasynda baılanystyń bar-joǵyn anyqtaýǵa kiristi.

Ústimizdegi jeltoqsan aıynda Izraıldiń Ulttyq qaýipsizdik keńesi ızraıldikterge shet elderge shyǵý josparlaryn qaıta qaraýdy, bul sapar asa qajet bolǵan jaǵdaıda ózderiniń evreı jáne ızraldikter ekendigin syrt-kelbetpen bildirýden aýlaq bolýǵa shaqyrdy. Bul úndeý búkil álemde artyp kele jatqan antısemıtızmge baılanysty jasaldy.