«Izraıldiń ýly «paratsetamoly» qazaqstandyq naryqqa tústi» – feık

<p>WhatsApp-ta Izraılde shyǵarylǵan qaýipti &laquo;paratsetamol&raquo; preparaty týraly aqparattar toptamasy tarap jatyr. Onda atalǵan dári palestınalyqtarǵa arnalyp óndirilgeni, ony qabyldaǵan adam kóz jumatyny jáne tabletkalar áldebir joldarmen Reseı men Qazaqstan naryǵyna túskeni aıtylady. <a href="https://stopfake.kz/kk/archives/20727" target="_blank" rel="noopener">Stopfake.kz</a>&nbsp;málimettiń anyq-qanyǵyn anyqtap kórdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

«Qaýipti «paratsetamol» týraly habarlamalar – eski feık. Ony paıdalanýshylar 2019 jáne 2020 jyldary taratqan bolatyn.

Ol kezde de taratylym jalǵan dep tanylǵan edi», - delingen saıtta

Anyqtalǵandaı, aqparatqa qosa berilgen fotodaǵy preparat Izraılde emes, Úndistanda shyǵarylǵan. Ony dári-dármektiń qaptamasynda jazylǵan óndirýshi kompanııanyń Apex degen ataýynan túsinýge bolady.

«Qaznette «qaýipti» paratsetamol týraly habarlamalar buǵan deıin de taraǵan edi. Ol kezde paıdalanýshylar tabletkalarda ólimge ákeletin «Machýpo» vırýsy bar dep aıtqan. QR Farmatsııa komıteti bul aqparatty joqqa shyǵaryp, elimizde aqparatta sıpattalǵan tabletkalar joq ekendigin málimdedi.

Olaı bolsa, qazaqstandyq dárihanalarǵa túsken qyzýdy túsiretin asa qaýipti dármek týraly habarlama – eski feık», - dep qorytyndylaıdy Stopfake.kz.