Izraıldiń Serbııadaǵy elshiligin kúzetip turǵan polıtsııa qyzmetkerine shabýyl jasaldy

<p>ASTANA. KAZINFORM &ndash; Belgradtaǵy Izraıldiń Serbııadaǵy elshiligin kúzetip turǵan polıtsııa qyzmetkeri jaralandy. Іshki ister mınıstri Ivıtsa Dachıch muny lańkestik áreket dep baǵalady. Bul týraly&nbsp;<a href="https://ru.euronews.com/my-europe/2024/06/29/israel-embassy-belgrad-attack" target="_blank" rel="noopener">Euronews</a> jazdy.</p>

«Arbaletpen shabýyldaǵan adam Belgradtaǵy Izraıl elshiligin kúzetip turǵan serb polıtseıin jaralady», - dep habarlady Serbııa Іshki ister mınıstrligi.

Jaýap retinde polıtsııa qyzmetkeri shabýyldaýshyny atyp óltirgen. Іshki ister mınıstri Ivıtsa Dachıch málimdemesinde oq polıtsııa qyzmetkeriniń moınyna tıgenin aıtty. Onyń aıtýynsha, ofıtser ózin-ózi qorǵaý úshin qarý qoldanǵan. Belgradtyń bas jedel járdem aýrýhanasyna jetkizilgen polıtseı es-tússiz bolǵan. Shabýyl jasaýshynyń jeke basy áli anyqtalyp jatyr.

«Shabýyldyń barlyq mán-jaıy men yqtımal sebepteri zerttelip jatyr», - dedi Dachıch.

Elshilik búgin jabyq, qyzmetkerleri joq.