Izraıldiń Lıvanǵa shabýylynan qaza tapqandar sany 560-qa jýyqtady

<p>ASTANA. KAZINFORM &ndash; Lıvan bıliginiń habarlaýynsha, dúısenbiden beri Izraıldiń búkil elge jasaǵan áýe shabýyldarynda kem degende 558 adam, onyń ishinde 50 bala men 94 áıel kóz jumdy, 1800-den astam adam jaralanǵan. Bul kún Lıvandaǵy 1975-1990 jyldardaǵy azamattyq soǵys aıaqtalǵannan bergi eń qandy kún boldy, dep jazady <a href="https://www.bbc.com/russian/articles/cglkx00xpyro" target="_blank" rel="noopener">VVS</a>.</p>

Izraıl bıligi Iran qoldaıtyn jáne Izraıldiń soltústigine únemi shabýyl jasaǵan lıvandyq «Hezbolla» tobynyń ınfraqurylymy men jaýyngerlerin nysanaǵa alǵanyn aıtady.

«Hezbolla» seısenbi kúni tańerteń Izraılge ondaǵan zymyran atqylaǵan. Kóbisi qorǵanys nátıjesinde aýada jaryldy, biraq keıbir ǵımarattar zaqymdandy», — deıdi Izraıl qorǵanys armııasy (TsAHAL).

Izraıl áskeri dúısenbi kúni Lıvanǵa 1600-den astam soqqy jasaǵanyn habarlady. Shabýyldar negizinen ońtústikte bolǵan, biraq olardyń keıbireýleri eldiń shyǵys jáne soltústik-shyǵys aımaqtarynda oryn alǵan.

Izraıl tek «Hezbolla» nysanalaryna ǵana soqqy bergenin aıtyp jatyr, biraq Lıvan bıligi nysanalardyń kópshiligi turǵyn úı ınfraqurylymy bolǵanyn málimdegen.

«Hezbolla» men Izraıl arasyndaǵy soqqy almasý seısenbide de jalǵasty.

Keıbir halyqaralyq áýe kompanııalary jolaýshylar qaýipsizdigine baılanysty Beırýtqa reısterdi toqtatty. Keıinirek aımaqtaǵy shıelenistiń kúsheıýine baılanysty Tel-Avıvke keıbir reısterdiń toqtatylǵany belgili boldy.

Aıta keteıik, buǵan deıin Lıvan Izraıldiń Hezbollaǵa qarsy áýe shabýylynan 274 adam qaza tapqanyn habarlaǵan edi.

AQSh Taıaý Shyǵystaǵy áskerı kontıngentin kóbeıtti.