Izraıldiń Lıvandaǵy áýe shabýylynan qaza tapqandar sany 2 141 adamǵa jetti

<p>ASTANA. KAZINFORM &ndash; Seısenbi kúni Izraıldiń Lıvandaǵy áýe shabýylynan qaza tapqandar sany 22 adamǵa jetti, taǵy 80-i jaraqat aldy. Bul týraly sársenbide Lıvannyń densaýlyq saqtaý mınıstrligi málimdedi, dep habarlaıdy <a href="https://russian.news.cn/20241010/be06d29f53e14dc38920cebc510b5bb9/c.html" target="_blank" rel="noopener">Sınhýa</a> aqparat agenttigi.&nbsp;</p>

Vedomstvoda naqtylaǵandaı, eldiń ártúrli provıntsııasynda qaza bolǵandar men jaraqat alǵandar tirkelgen. 2023 jyldyń 8 qazanynda Izraıl men «Hezbolla» arasyndaǵy qaqtyǵys bastalǵaly beri qurban bolǵandardyń jalpy sany 2 141 adamǵa jetip, 10 099-y jaraqat alǵan.

Lıvan premer-mınıstri Nadjıb Mıkatı sársenbi kúni málimdegenindeı, arab elderi men halyqaralyq qaýymdastyq Izraıldiń Lıvandaǵy agressııasyn toqtatý úshin kúsh salýdy jalǵastyrýda. Bul rette ol ilgerileýge Izraıldiń ymyrasyzdyǵy kedergi bolyp otyrǵanyn atap ótti. 

«Lıvannyń arab elderi jáne basqa memleketterdegi dostary atysty toqtatýǵa qol jetkizý úshin qysym kórsetýdi jalǵastyrýda jáne qajetti saıası qadamdardy talqylap jatyr. Olardyń eń mańyzdysy – Izraıldiń BUU Qaýipsizdik Keńesiniń 1701 qararyn tolyq oryndaýy», - dep atap ótti Mıkatı. 

23 qyrkúıekten beri Izraıl qarýly kúshteri «Hezbollamen» qaqtyǵystyń kúsheıýi jaǵdaıynda Lıvanda «Soltústiktiń jebeleri» atalǵan aýqymdy áýe operatsııasyn júrgizýde. 

2023 jyldyń 8 qazanynan bastap «Hezbolla» men Izraıl armııasy Lıvan-Izraıl shekarasynda soqqy almasyp keledi. Bul Gaza sektorynda HAMAS pen Izraıl arasynda jalǵasyp jatqan shaıqastardy eskere otyryp, qaqtyǵystyń órshý múmkindigine qatysty alańdaýshylyq týdyryp otyr.